Sjå kjelda til Kuhegre

{{taksoboksLua|taksonomi_WD=ja
| bilete = Cattle Egret winter.jpg
| bilettekst = Kuhegre, ''Bubulcus ibis''
}}
'''Kuhegre''' (''Bubulcus ibis'') er ein kosmopolitisk [[art]] av [[hegrar]] i tropane og i subtropiske og varme, tempererte soner. Trass likskapen med [[egrettar]] i slekta ''Egretta'', er kuhegre nærast i slekt med hegrar som til dømes [[gråhegre]] i ''Ardea''. Det opphavlege utbreiingsområdet til denne arten var delar av [[Asia]], [[Afrika]] og [[Europa]], men området har auka mykje snøgt etter ei vellykka kolonisering av store delar av verda. 

== Skildring ==
[[Fil: Cattle Egret (Bubulcus ibis) -by large animal.jpg|mini|venstre|Beiting saman med [[storfe]] {{foto|[http://flickr.com/photos/49296659@N00 Charles Lam]}}]] 
Kuhegren er ein kompakt, [[kvit]] [[fugl]] pynta med brungule [[fjør]] i hekkesesongen. Han hekkar i koloniar, vanlegvis nær vatn og gjerne i område med andre [[vadefuglar]]. Reiret er ei plattform av kvistar i tre eller buskar. Ulikt dei fleste andre hegrar, finn han føde i relativt tørre habitat på grassletter, ofte følgjer han [[storfe]] eller andre store [[pattedyr]] der, fordi [[insekt]] og små [[virveldyr]] blir jaga opp og blir enkle byttedyr for hegren. Nokre populasjonar av kuhegre er trekkfuglar og andre spreier seg etter hekkesesongen. 

Det er få predatorar som jaktar vaksne kuhegrar, men både fuglar og pattedyr kan åtake reir, og ungar kan gå tapt som følgje av matmangel, mangel på [[kalsium]] eller etter uro frå andre store fuglar. Denne arten fjernar [[flått]] og [[fluge]]r frå storfe, og har vore involvert i spreiing av dyresjukdommar der flått er smitteberarar. Fuglane kan kollidere med [[fly]] og vere ein tryggleiksrisiko ved flyplassar.

[[Fil:Red-flush Cattle Egret.jpg|mini|venstre|Austleg [[underart]] i hekkedrakt{{foto|[http://www.flickr.com/people/63766699@N00 su neko]}}]] Dette er ein tettvaksen hegre med vengespenn på 88-96 [[centimeter]], 46-56 cm i kroppslengd og han veg 270-512 [[gram]]. Halsen er relativt kort og tjukk, solid [[nebb]], og ei luta haldning. Vaksne fuglar utanfor hekkesesongen har i hovudsak kvit [[fjørdrakt]], gult nebb og grågule føter. Hekkedrakta hos den vestlege [[underart]]en har oransjefarga fjør på rygg, bryst og krone. Nebb, bein og [[regnbogehinne|irisar]] er raude i ein kort periode før paring. Kjønna er like, men hannfuglar er marginalt større og har litt lengre pyntefjør enn hoer; ungfuglar får ikkje farger i fjørdrakta og har svart nebb.
   
Tre underartar av kuhegre er skildra: den vestlege forma ''B. i. ibis'', ein austleg underart i [[Asia]] og [[Australia]], ''B. i. coromandus'', og somme aksepterar også ein underart på [[Seychellane]], ''B. i. seychellarum''. Den austlege underarten skil seg frå den vestlege i hekkedrakta. Den oransje eller brungula farga blir meir gyllen, dei farga fjøra strekkjer seg ned til kinn og hals. Dessutan er nebb og tars er litt lengre i gjennomsnitt enn hos den vestlege underarten. ''Seychellarum'' er mindre og har kortare venger enn dei andre to formene. Han har kvit kinn og hals, som hos ''B. i. ibis'', men hekkedrakta er gyllen som hos ''B. i. coromandus''.

Plasseringa av [[augo]] hos hegren gjev dei eit vidt synsfelt, og fysiologiske studiar tyder på at arten kan vere i stand til nattleg aktivitet. På grunn av tilpassinga dei har gjort for å ta føde på land har dei mista evna som slektningane på våtland har til å korrigere nøyaktig for [[lysbryting]] gjennom vatn.
  
Denne arten er i stor grad stille, men kan gje rolege «rikk-rakk»-kall i hekkekolonien.
[[Fil:Héron garde-bœufs MHNT.jpg|mini|Egg]] 
== Kjelder ==
{{refopning}}
*''Denne artikkelen bygger på «[[:en:Cattle Egret|Cattle Egret]]» frå {{Wikipedia-utgåve|en}},  den 1. juli 2009.''  
{{refslutt}}
== Bakgrunnsstoff ==
{{commons|Bubulcus ibis}}
{{Infoboks namn på andre språk
| nordsamisk =
| nordsamisk lenke =
| svensk = Kohäger
| svensk lenke =Kohäger
| dansk   = Kohejre
| dansk lenke =Kohejre
| engelsk =Cattle Egret
| engelsk lenke =Cattle Egret
| tysk = Kuhreiher
| tysk lenke = Kuhreiher
| fransk  = Héron garde-bœufs
| fransk lenke = Héron garde-bœufs
| spansk =Garcilla bueyera, garcita del ganado, garza boyera
| spansk lenke =Bubulcus ibis
| russisk = Jegipetskaja tsaplja (Египетская цапля)
| russisk lenke = Египетская цапля
}}
[[Kategori:Hegrefamilien]]
[[Kategori:Streiffuglar i Noreg]]