Sjå kjelda til Qin-dynastiet

[[Fil:Qin empire 210 BCE.jpg|mini|Qin-dynastiet si utstrekning om lag 210 f.Kr.]]

'''Qin-dynastiet''' ({{zh|c=秦朝|p=Qín Cháo}}) var det fyrste dynastiet i det [[Kina|kinesiske keisarriket]]. Keisarriket voks fram or staten Qin, den vestlegaste av dei sju statane som gjennom [[krigarrika-tida]] stridde om herredømet over kinesarane. Qin-herskarane erobra alle dei rivaliserande rika, og i 221 f.Kr. var, for aller fyrste gong, alt land der det budde kinesarar samla under ei krone. Samlinga var sluttpunktet for ei utvikling som hadde tek til allereie fleire hundreår tidlegare.<ref>Bodde, Derk: ''The state and empire of Ch'in'', in: ''The Cambridge History of China'', Band 1 ''The Ch'in and Han Empires, 221 B.C.-A.D.220'', Cambridge 1986 (ISBN 9780521243278), S.69</ref><ref>Helwig Schmidt-Glintzer: ''Geschichte Chinas bis zur mongolischen Eroberung 250 v. Chr. – 1279 n. Chr.'', München 1999, S.18</ref>

[[Fil:Qinshihuang.jpg|mini|venstre|portrett|Framstilling av [[Qin Shi Huangdi|Qin Shihuangdi]], den første keisaren av Kina, frå ca. 1850.]]
{{kinesisk historie}}

Etter rikssamlinga kalla qin-kongen Zheng seg for keisar, og er for ettertida kjend som [[Qin Shi Huangdi|Qin Shihuangdi]]. Den verkelege drivkrafta bak samlinga var likevel [[Li Si]], kanslaren hans. Landområda som Qin-dynastiet rådde over var mykje vidare enn det tidlegare dynasti, til dømes  [[Shang-dynastiet|Shang-]] eller [[Zhou-dynastiet]] hadde kunna kontrollere.

Dei få åra Qin-dynastiet varte, høyrer til mellom dei særleg avgjerande tidspunkt i kinesisk politisk historie.<ref>Rankin, Mary B.; Fairbank, John K.; Feuerwerker, A., Perspectives on modern China's history, in: The Cambridge History of China, Band 13, Republican China 1912-1949 Part 2, Cambridge 1986 (ISBN 0521243386), S.49</ref> Grunntrekka i kinesisk statsskikk for fleire hundreår framover vart innført av Qin-dynastiet. Desse baserte seg på den kinesiske filosofiske retninga [[legalisme]]n og bestod av eit keisarleg byråkrati, legitimering av keisardømmet, systematisk innsamling av opplysningar om folk og land for skatteformål, bygging av ein mur til vern mot folka i det indre av Asia, samt bruk av einskaplege mål, skriftteikn og valuta i heile riket. Namnet Kina stammar frå ordet ''Qin''.<ref>Helwig Schmidt-Glintzer: ''Geschichte Chinas bis zur mongolischen Eroberung 250 v. Chr. – 1279 n. Chr.'', München 1999, S.13 und S.97</ref>

Etter at den fyrste keisaren døydde i 210 f.Kr. braut det ut uro i heile riket. Trass i den  militære styrken til Qin førte den påfylgjande borgarkrigen til at dynastiet fall. I 207 f.Kr. fekk opprøraren [[Xiang Yu]] avretta den tredje qin-keisaren [[Ziying]], kort etterpå vart [[Han-dynastiet]] grunnlagt av [[Liu Bang]].

==Kjelder==
{{fotnoteliste}}
{{refopning}}
*''Denne artikkelen bygger på «[[:de:Qin-Dynastie|Qin-Dynastie]]» frå {{Wikipedia-utgåve|de}},  den 31. desember 2012.''  
{{refslutt}}
{{Autoritetsdata}}
[[Kategori:Kinesisk historie]]
[[Kategori:Qin-dynastiet| ]]