Andreas Steinhöfel

Frå Wikipedia – det frie oppslagsverket
Andreas Steinhöfel

Statsborgarskap Tyskland
Fødd 14. januar 1962 (62 år)
Battenberg (Eder)
Yrke lingvist, manusforfattar, skribent, omsetjar, barnebokforfattar
Språk tysk
Andreas Steinhöfel på Commons
Andreas Steinhöfel (2014)

Andreas Steinhöfel (fødd 14. januar 1962 i Battenberg i Hessen) er ein tysk forfattar av barne- og ungdomslitteratur.[1] Steinhöfel er også aktiv som manusforfattar og omsetjar av bøker. Han har vunne fleire litteraturprisar i Tyskland for forfattarskapen sin.

Liv[endre | endre wikiteksten]

Andreas Steinhöfel voks opp med to brør i landsbyen Biedenkopf midt i Hessen. Etter obligatorisk skulegang tok han til å studera biologi og engelsk tilknytt ei undervisningsstilling. Deretter ombestemte han seg og starta eit studie ved Universitetet i Marburg der han studerte anglistikk, amerikanistikk og medievitskap. Etter å ha avslutta studia, gav han ut si fyrste ungdomsbok i 1991, Dirk und ich.

Steinhöfel var sambuar med den tyske DJ-en Gianni Vitiello fram til denne døydde i 2009. Etter å ha butt 20 år i Berlin er Steinhöfel no busett i heimbygda Biedenkopf.

Verk[endre | endre wikiteksten]

Ei av Steinhöfels best kjende bøker er Paul Vier und die Schröders (1992), som blir brukt som standardlektyre i tyske skular. Filmatiseringa av boka vann den tyske barnefilmprisen i 1995. Blant ungdom er særleg romanen Die Mitte der Welt ein favoritt. Die Mitte der Welt vart nominert til den tyske ungdomslitteraturprisen i 1999, nett som Defender – Geschichten aus der Mitte der Welt, som delvis er ein oppfylgjar til den fyrste. Steinhöfel har no vunne prisen to gonger, siste gongen var i 2009 for Rico, Oscar und die Tieferschatten, den fyrste av tre bøker om venene Rico og Oscar. Denne er omsett til norsk av Finn Iunker og vart utgjeven i 2010 under tittelen «Rico, Oskar og bakskyggene».[2]

Andreas Steinhöfel har omsett bøker av Jerry Spinelli, Roddy Doyle, Lois Lowry, Paul Shipton og Kate Walker, alle frå engelsk. I tillegg har han stått for nyomsetjingar av dei to best kjende verka av USA-amerikanske Susan E. Hinton: Die Outsider og Rumble Fish.

Manusforfattaren Andreas Steinhöfel har m.a. skrive 40 episodar av "Käpt’n Blaubär Club" (1993/94 for WDR/ARD) und 5 episodar av barneserien "Urmel aus dem Eis" (1994 for WDR/ARD), fleire episodar av fjernsynsbarneserien Löwenzahn (2008-2010 for ZDF) og fjernsynsmusikkserien Abenteuer Klassik! (2007 for WDR).[3]

Andreas Steinhöfel arbeider no (2013) på sin fyrste roman for vaksne.

Bøker[endre | endre wikiteksten]

  • Dirk und ich (Carlsen Verlag, Hamburg 1991)
  • Paul Vier und die Schröders (Carlsen Verlag, Hamburg 1992)
  • Trügerische Stille (gamal tittel: Glatte Fläche; Carlsen Verlag, Hamburg 1993)
  • Glitzerkatze und Stinkmaus (Carlsen Verlag, Hamburg 1994)
  • Beschützer der Diebe (Carlsen Verlag, Hamburg 1994)
  • Es ist ein Elch entsprungen (Carlsen Verlag, Hamburg 1995)
  • 1:0 für Sven und Renan (München 1995)
  • O Patria Mia (Carlsen Verlag, Hamburg 1996)
  • Herr Purps, die Klassenmaus (ars edition, München 1996)
  • Die Honigkuckuckskinder (München 1996)
  • Die Mitte der Welt (Carlsen Verlag, Hamburg 1998)
  • David Tage, Mona Nächte (saman med Anja Tuckermann; Carlsen Verlag, Hamburg 1999)
  • Wo bist du nur? (Carlsen Verlag, Hamburg 2000)
  • Defender – Geschichten aus der Mitte der Welt (Novellesamling; Carlsen Verlag, Hamburg 2001)
  • Der mechanische Prinz (Carlsen Verlag, Hamburg 2003)
  • Froschmaul (Novellesamling; (Carlsen Verlag, Hamburg 2006)
  • Rico, Oskar und die Tieferschatten (Carlsen Verlag, Hamburg 2008) På norsk 2010.
  • Rico, Oskar und das Herzgebreche, (Carlsen Verlag, Hamburg 2009)
  • Rico, Oskar und der Diebstahlstein, bilete av Peter Schössow. Carlsen Verlag, Hamburg 2011 (også som lydbok)

Kjelder[endre | endre wikiteksten]

Fotnotar[endre | endre wikiteksten]