Sjakkspelaren Arne Vinje

Frå Wikipedia – det frie oppslagsverket
(Omdirigert frå Arne Vinje - sjakkspelar)
Hopp til navigering Hopp til søk
Arne Vinje
Statsborgarskap Noreg
Fødd 27. mars 1943
Død

21. august 2011

Idrett sjakk

Arne Vinje, tidlegare Arne Vinje Gulbrandsen, (27. mars 194321. august 2011) var ein norsk sjakkspelar, Noregsmeister i sjakk 1965 og 1968, Internasjonal Meister i sjakk (IM) 1981 og Stormeister i fjernsjakk i 2001.

Sjakk-karriere[endre | endre wikiteksten]

Arne Vinje vann junior-NM i sjakk i 1959.

Han spelte seg deretter raskt inn i den norske eliten, og debuterte på det norske landslaget i Sjakk-OL (lag-VM i sjakk) i 1962. Han deltok i sjakk-OL også i 1964, 1970 og 1982, på 4. bord dei to første gongane og 3. bord dei to siste. Han klarte +19 =11 -13, 24,5 poeng på 43 parti, 57,0 % skår.[1]

Utanom dei to Noregsmeister-titlane i 1965 og 1968 hadde han ei rekkje gode plasseringar i Noregsmeisterskapen i sjakk.

Internasjonal Meister i sjakk[endre | endre wikiteksten]

IM-tittelen kom etter sterke prestasjonar i tre internasjonale sjakkturneringar i 1980-1981:

  • Skien International 1980, 7-13. januar 1980: Kategori 4, Elo-snitt 2343,5 - 6 poeng på 9 rundar.[2][3]
  • Oslo Chess International 1981, 29. desember 1980 - 4. januar 1981: Kategori 4, Elo-snitt 2327 - 6 poeng på 9 rundar.[4][5]
  • Viking Chess International 1981, Oslo 13-19. april 1981, Kategori 4, Elo-snitt 2334,5 - 7 poeng på 9 rundar og siger i turneringa.[6]

Han blei dermed den sjuande frå Noreg som klarte krava til denne tittelen.

Stormeister i fjernsjakk[endre | endre wikiteksten]

Arne Vinje vart etter kvart mindre aktiv i nærsjakk, og satsa i staden på fjernsjakk, med svært gode resultat. Han blei Internasjonal Meister i fjernsjakk ved å vinne den 51. Europameisterskapen i fjernsjakk 1994-1998, med 12 poeng på 14 parti.[7]. og deretter Stormeister i fjernsjakk i 2001 ved å dele førsteplassen i 3/4-finala til det 17. VM i fjernsjakk, med 10,5 poeng på 16 parti. [8]

Kjelder[endre | endre wikiteksten]

Fotnotar[endre | endre wikiteksten]

  1. Arne Vinje sine resultat i sjakk-OL hos Olimpbase
  2. Norsk Sjakkblad nr. 1 1980, s. 52-53
  3. Norsk Sjakkblad nr. 4 1981, s. 4
  4. Norsk Sjakkblad nr. 2 1981, s. 22-23
  5. Norsk Sjakkblad nr. 4 1981, s. 4
  6. Norsk Sjakkblad nr. 4 1981, s. 4 og 5
  7. Turneringstabellen for den 51. Europameisterskapen i fjernsjakk
  8. Turneringstabell for 3/4-finalen til det 17.VM i fjernsjakk

Bakgrunnsstoff[endre | endre wikiteksten]