Benedicte Schøyen
| Benedicte Schøyen | |
| Statsborgarskap | Noreg |
| Fødd | 12. august 1965 (59 år) |
| Yrke | koreograf |
Benedicte Schøyen (fødd 12. august 1965) er ein norsk dansar, koreograf og dansepedagog.[1] Ho er frå Kolsås i Bærum, men har budd i California i USA sidan ho var 23 år gamal.[2]
Schøyen gjekk Den Norske Operas Ballettskole frå 1974 til 1981. Sidan utdanna ho seg ved Statens balletthøgskole (1981-84) og tok vidareutdanning ved Studio Paris Centre og The Royal Academy of Dance i London. Etter ti år som profesjonell dansar opna ho sitt eige studio og underviser i jazzballett og klassisk ballett.[3] Ho driv Born To Play Studio i Santa Monica i California i USA.[4]
Schøyen arbeider også som koreograf og har mellom anna delteke i produksjonen av Melodi Grand Prix Junior og var ein av opphavspersonane bak den interaktive danse-DVD-en Den Magiske Spilledåsen (engelsk tittel The Music Box - A Dance Along Fairytale).
Referansar
[endre | endre wikiteksten]- ↑ Herman Berthelsen, red. (1987). «Schøyen, Benedicte». Hvem er hvem i norsk kulturliv?. Oslo: Dreyer. s. 372. ISBN 820910426-8.
- ↑ Julie S. Werenskiold: «På tå hev i Hollywood» Budstikka, 10. januar 2009
- ↑ «Gjestepedagoger: Benedicte Schøyen». Nettstaden til West End Studios. Henta 4. desember 2011.
- ↑ «Musicbox, drømmen om å skape magi for barn» (PDF). Havn og kirke 1/2008.