Bokstaven bet

← Aleph Bet Gimel →
Fønikisk
Hebraisk	ב
Arameisk
Syrisk	ܒ
Arabisk	ب
Fonemisk representasjon	b, v
Plassering i alfabetet	2
Talverdi	2
Alfabetiske avleiingar frå fønikisk
Gresk	Β
Latin	B
Kyrillisk	В

Bet, beth, beh eller vet er det andre bokstaven i semittiske abjadar, inkludert fønikisk 'bēt', 𐤁, hebraisk bēt ב, arameisk bēṯ, 𐡁, syrisk bēṯ ܒ, og arabisk bāʾ b. Lydverdien er ein stemd bilabial plosiv ⟨b⟩ eller stemd labiodental frikativ ⟨v⟩.

Namnet på bokstaven tyder ‘hus’ på ulike semitiske språk (arabisk '*bayt-', akkadisk bītu, bēt, hebraisk bayīṯ, fønikisk bēt osb.; alle opphavleg frå proto-semitisk *bayt-). Han verkar vera avleidd frå ein egyptisk hieroglyf av eit hus ved akrofoni.

Den fønikiske bokstaven danna opphav for mellom anna den greske bokstaven beta (B, β), latinsk B (B, b) og kyrillisk Be (Б, b) og Ve (В, в).

Opphav

Namnet bet er avleidd frå det vestsemittiske ordet for ‘hus’ (som i hebraisk bayt בַּיִת), og forma på bokstaven er avleidd frå ein protosinaittisk glyf som kan ha vore basert på den egyptiske hieroglyfen Pr., som viser eit hus.

Hieroglyf	Proto-sinaittisk	Fønikisk	Paleo-hebraisk

Arabisk

Den arabiske bokstaven ب har namnet بَاءْ, bāʾ (bāʔ). Ein kan skriva han på ulike måtar alt etter plasseringa hans i ordet:

Plassering i ord	Isolert	Final	Medial	Initial
Glyf-form: (Hjelp)	ب‎	ـب‎	ـبـ‎	بـ‎

Hebraisk

For meir om dette emnet, sjå ב.

Lydverdien til bet på hebraisk er stemd bilabial lukkelyd når han har ein diakritisk prikk, eller dagésj, og bokstaven blir da gjerne transkribert som «bb» eller «b». Ein bét utan dagésj kan uttalast anten som «b», «w» eller «v» avhengig av kultur.

Namn	Symbol	IPA	Transliterasjon	Døme
Vet	ב‎	/v/	v	våt
Bet	בּ‎	/b/	b	båt

Kjelder

• Denne artikkelen bygger på «Bet (letter)» frå Wikipedia på engelsk, den 7. november 2023.