Bordstabelbakkels

Bordstabelsbakkels eller bordstabel er ei norsk småkake med rektangelform som ein kan servera oppstabla. Ho blir ofte baka til jul, og kan reknast som eit av dei sju slaga.

Deigen blir laga med egg, sukker, mjøl, smør og fløyte. Etter at han er kjevla flat kan ein skjera ut kakene i rektangel, gjerne med ei bakkelsspore. Kvar kake får eit fyll laga av eggekvite, sukker og mandlar som ein kan steika i lag med dei eller ha på etter ei tid med steiking. Når kakene er ferdige kan dei serverast i ein stabel.

Kakene er også noko utbreidde blant norsk-amerikanarar.

Bakgrunnsstoff

• Oppskrift ved norsktradisjonsmat.no
• Oppskrift ved nrk.no