Calbuco

	Calbuco
	vulkan
	Calbuco frå nord langs veg 225 ved breidda av Llanquihuesjøen. (11. feb. 2010)
Land	Chile
Region	Los Lagos
Fjellkjede	Andes
Høgd	2 015 moh
Primærfaktor	1 946 m
Koordinatar	41°19′48″S 72°37′06″W
Geologi	Pleistocen
Vulkantype	Stratovulkan
Siste utbrot	1972
	Wikimedia Commons: Calbuco Volcano

Koordinatar: 41°19′48″S 72°37′06″W

Calbuco er ein stratovulkan sør i Chile, som ligg søraust for Llanquihuesjøen og nordvest for Chaposjøen i Los Lagos-regionen. Vulkanen og det kringliggande området ligg i Llanquihue nasjonalreservat. Vulkanen er ein særs eksplosiv andesittvulkan som kollapsa seint i pleistocen og skapte eit ras som nådde innsjøen.

Vulkanaktivitet[endre | endre wikiteksten]

Calbuco har hatt minst ni utbrot sidan 1837 og det siste kom i 1972. Eit av dei største vulkanutbrota i sørlege Chile fann stad her i 1893–1894. Kraftige utbrot sende 30 cm store bomber ut opp til 8 km unna krateret, i lag med store mengder varme laharar. Kraftige eksplosjonar skjedde i april 1917 og ein lavadom oppstod i krateret i lag med varme laharar. Eit anna kort utbrot fann stad i januar 1929 med ein pyroklastisk straum og lavastraumar. Det siste store utbrotet skjedde i 1961 og sende ei oskesøyle 12–15 km opp i lufta og spreidde seg søraustover i lag med to lavastraumar. Det var eit lite, fire timar langt utbrot den 26. august 1972. Kraftige fumaroler vart sett ved hovudkrateret den 12. august 1996.