Deklinasjon

Rektasensjon og deklinasjon som sett frå innsida av ei himmelkule. Hovudretninga til systemet er vårjamdøger, den oppstigande knuten i ekliptikken (raud) på himmelekvator (blå). Deklinasjonen vert målt nordover eller sørover frå himmelekvator, langs timesirkelen som passerer gjennom punktet det er snakk om.

Deklinasjon er ein av koordinatane for himmelobjekt, gjeve som vinkelavstanden frå himmelekvator og forkorta til DEC (symbol δ). Deklinasjonen vert vanlegvis gjeven i grader, minutt og sekund. I dette systemet er det nordlege polpunktet på +90°, himmelekvator på 0° og himmelens sørpol -90°. Deklinasjonen kan kombinerast med rektasensjon for å definere posisjonar på himmelkvelvingen

Sjå òg

• Himmelkoordinatar
• Ekliptikk
• Ekvatorialt koordinatsystem
• Geografisk koordinatsystem
• Rektasensjon

Kjelder

• «Deklinasjon: astronomi», Store norske leksikon, 14. februar 2009, henta 21. mars 2015

Bakgrunnsstoff

• MEASURING THE SKY - A Quick Guide to the Celestial Sphere