Hopp til innhald

Fjelberg stavkyrkje

Frå Wikipedia – det frie oppslagsverket
Fjelberg stavkyrkje
kyrkjestad
Land  Noreg
Kart
Fjelberg stavkyrkje
59°44′18″N 5°42′24″E / 59.73833333°N 5.70666667°E / 59.73833333; 5.70666667

Fjelberg stavkyrkje var ei stavkyrkjeFjelbergøy i Kvinnherad i Sunnhordland, som vart riven rundt 1730. Det er ikkje bevart nokon kjende bygningsrestar frå kyrkja.

Historie[endre | endre wikiteksten]

Det finst ikkje noko grunnlag for ei detaljert datering av kyrkja. Ei kyrkje på Fjelberg er første gong nemnt i kjeldene i 1360. Kyrkja er nemnt siste gong i 1722. I 1733 fekk soknet ei ny kyrkje, og stavkyrkja har då truleg vorte riven kort tid før.[1]

Utsjånad[endre | endre wikiteksten]

Ei kjelde frå 1462 nemner ei gåve til «høgaltaret i Fjelberg kyrkje».[2] Dette tyder på at kyrkja hadde fleire altar. I 1665 skulle det setjast inn vindauge i sørveggen på kyrkja, sidan det skal ha vore svært mørkt i kyrkja. I 1722 hadde kyrkja svalgang berre på nordsida. Same året vert kyrkja kalla ei «ældgammel og i Grund forraadnet Stavkirke».[1] Etter storleiken på kyrkja å dømma, må ho vore treskipa med heva midtrom. Skipet var om lag 50 fot gonger 28 fot (16 m x 9 m) og koret var 16 fot gonger 20 fot (5 m x 6 m).

Fotnotar[endre | endre wikiteksten]

  1. 1,0 1,1 Lorentz Dietrichson, De norske stavkirker (Kristiania og Kjøbenhavn, 1892), s. 478-479
  2. «...til høga altared i Fielbergx kirkio». Lorentz Dietrichson, De norske stavkirker (Kristiania og Kjøbenhavn, 1892), s. 478. Originalkjelde i Diplomatarium Norvegicum II, 845

Kjelder[endre | endre wikiteksten]

Bakgrunnsstoff[endre | endre wikiteksten]