Hans Haga
| Hans Haga | |||
| Fødd | 8. desember 1924 Nannestad kommune | ||
|---|---|---|---|
| Død | 22. juni 2008 (83 år) | ||
| Statsborgar av | Noreg | ||
| Yrke | politikar, fagforeiningsleiar | ||
| Barn | Åslaug Haga | ||
Hans Haga (8. desember 1924–22. juni 2008) var ein norsk bonde og agronom. Han var leiar i Norges Bondelag frå 1974 til 1980 og generalsekretær frå 1980 til 1988).[1]
Haga var ferdig utdanna sivilagronom i 1951.[2] Året etter blei han tilsett som fylkessekretær i Oppland Bondelag. Fram til han pensjonerte seg i 1992 var han tilsett eller tillitsvald i Norges Bondelag. Frå 1960 var han bonde på Henni i Nes kommune,[3] samtidig som han hadde tillitsverv i Bondelaget og Norsk Landbrukssamvirke. Han blei vald inn i styret i Norges Bondelag i 1965, og var leir frå 1974 til 1980. Han var generalsekretær i Bondelaget frå 1980 til 1988, og var tilsett som spesialrådgjevar 1988–1992. Han fekk eit ettermæle som ein sterk leiar, særleg under landbruksforhandlingane på 1970-talet.[4]
Hans Haga var far til Åslaug Haga, statsråd og partileiar for Senterpartiet.[5]
Kjelder
[endre | endre wikiteksten]- ↑ «Hans Haga» i Store norske leksikon, snl.no.
- ↑ Norske landbruksakademikere 1922-1974. Landbruksforlaget. 1981. s. 79. ISBN 82-529-0459-9.
- ↑ Kirkeby, Birger (1969). Nes på Romerike : 5 : Gardshistorie. Kommunen.
- ↑ NRK. «Hans Haga er død». NRK (på norsk bokmål). Henta 21. april 2018.
- ↑ «Haga, Åslaug (1959-)». Stortinget (på norsk bokmål). 9. mars 2008. Henta 21. april 2018.
- Denne artikkelen bygger på «Hans Haga» frå Wikipedia på bokmål, den 3. februar 2026.