Herefordfe

Frå Wikipedia – det frie oppslagsverket
Gå til: navigering, søk
Herefordokse
Herefordkalv

Herefordfe er ein storferase som opphavleg kjem frå Herefordshire i England. Meir enn fem millionar av rasen finst kring om i femti land. Eksporten av feet starta i 1817 då fe vart sende frå England til USA. Canada, Mexico og delar av Sør-Amerika tok etter ganske raskt. I dag er rasen vanleg i Australia, Russland, Israel, Japan, det kontinentale Europa og Skandinavia. Feet er særleg knytt til dei tempererte stroka i Canada, USA og Russland. På den sørlege halvkula er det mykje i bruk i Australia, tisvarande i det sentrale og austlege Argentina, i Uruguay, og i New Zealand der rasen er den vanlegaste storferasen. Rasen vert hovudsakleg brukt i kjøttproduksjon. Med omsyn til storleik står Herefordfeet i ei mellomstilling, lettare enn Charolais, men tyngre enn Høglandsfeet.

Historie[endre | endre wikiteksten]

Herefordfeet vart avla fram i Storbritannia kanskje så tidleg som i det 17. hundreåret og set framleis preg på landsbygda i Herefordshire. Seinare har det kome til ein kollete variant av rasen. Herefordfeet har vorte avla for roleg temperament, rask vekst og god kjøttkvalitet.

Kjelder[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Herefordfe