Hestan Island
Hestan Island er ei lita øy ved kysten av Skottland i Solway Firth.
Hestan Island ligg ved innløpet til Auchencairn Bay [1] i regionen Dumfries and Galloway i det tidlegare grevskapet Kirkcudbrightshire. Det vart bygt eit fyr på austsida av øya av Alan Stevenson i 1850.
Når fjøra er særs låg er det mogeleg å gå tørrskodd over frå Almorness Point til nordenden av Hestan. Sør på øya ligg Daft Ann's Steps, ei rad med steinar i vatnet. I følgje segna skal ei mindre intelligent jente ha lagt steinar til å trø på føre seg for å nå Balcary Point og drukna.[2]
Ruinane av herregarden til Edward Balliol står nord på øya.
På 1700-talet var øya involvert i smugling og varer vart lagra i grotter sørvest på øya. Samuel Rutherford Crockett skriv mellom anna om dette i romanen The Raiders.[2]
Øya er ein populær destinasjon for havkajakkpadlarar.[3]
Kjelder[endre | endre wikiteksten]
- Denne artikkelen bygger på «Hestan Island» frå Wikipedia på engelsk, den 25. mars 2010.
- Wikipedia på engelsk oppgav desse kjeldene:
- ↑ «Gazetteer for Scotland». http://www.geo.ed.ac.uk/scotgaz/features/featurefirst1598.html. Henta 25. mars 2010.
- ↑ 2,0 2,1 «A History of Auchencairn og District». www.Auchencairn.org.uk. http://www.auchencairn.org.uk/index.php?option=com_content&task=view&id=65&Itemid=107. Henta 25. mars 2010.
- ↑ «Daft Anne's Steps, Hestan Island, the Solway Firth». Seakayakphoto.blogspot.com. http://seakayakphoto.blogspot.com/2007/01/daft-annes-steps-hestan-island-solway.html. Henta 25. mars 2010.
Bakgrunnsstoff[endre | endre wikiteksten]
|
