Sjå kjelda til Hornfuglar

{{taksoboksLua|taksonomi_WD=ja
| bilete = Malabar grey hornbill.jpg
| bilettekst = [[Malabarhornfugl]] ''Ocyceros griseus'' {{foto|[http://www.flickr.com/people/rathikaramasamy/ Rathika Ramasamy]}} 
}}
'''Hornfuglar''', og kalla '''nashornfuglar''' og '''hornfuglfamilien''', vitskapleg namn ''Bucerotidae'', er [[fuglar]] med utbreiing i [[tropisk]] og [[subtropisk]] [[Afrika]] og [[Asia]]. Kjenneteiknet for hornfuglar er eit kraftig og nedbøygd [[nebb]] som ofte har klåre [[farge]]r og som kan ha ein utvekst på oversida av overnebbet. Både det vitskaplege namnet på familien og det norske namnet viser til forma på nebbet, [[gresk]] 'buceros' = kuhorn. I tillegg har dei todelt [[nyre]]. Dei to første nakkevirvlane hos hornfuglar er samanvaksne, truleg gjev det ein meir stabil plattform for å bere nebbet, hornfuglar er dei einaste med ein slik virvel. Fuglane i familien er altetande, dei beitar på [[frukt]] og smådyr. Dei er vanlegvis [[monogame]] holerugarar med reir i tre, somme artar òg i fjellskrentar. Ei rekkje [[artar]] av hornfuglar er trua av utrydding, dette er hovudsakleg artar med avgrensa leveområde på øyar.

== Skildring ==
Familien ''Bucerotidae'' samlar om lag 59 nolevande artar, men ei rekkje uklåre artar kan framleis bli splitta i fleire artar. Distribusjonen er frå Afrika sør for [[Sahara]] gjennom tropisk Asia til [[Filippinane]] og [[Salomonøyane]]. Dei fleste er knytt til [[skog]]shabitat. Av artane som finst i Afrika lever om lag halvparten i meir opne skogar og på savannar, og nokre artar førekjem òg i svært fuktige miljø. Dei resterande artane finst i tett skog. Dette står i motsetnad til Asia kor ein enkelt art førekjem på opne savannar og resten er skogsartar.

Hornfuglar viser merkbar variasjon i storleik innan familien, den minste er [[svartdvergtoko]] (''Tockus hartlaubi''), på berre 102&nbsp;[[gram]] og 30&nbsp;[[cm]]. Hannar er alltid større enn hofuglar, men i kva grad dette gjelder varierer med arten. Omfanget av [[kjønnsdimorfisme]] skil seg frå kroppsdel til kroppsdel, for eksempel er forskjellen i kroppsmasse mellom hannar og hofuglar mellom 1 og 17 %, men variasjonen er 8-30 % for nebblengd og 1-21 % i venglengd. 

Det mest karakteristiske trekket ved hornfuglar er eit tungt nebb, støtta av kraftige nakkemusklar samt dei to samanvaksne nakkevirvlane. Den store nebbet vert brukt i kamp, fjørpleie og til bygging av reir, samt til fangst av byttedyr. Ein unik funksjon for hornfuglar er ein utvekst, ''casque'' eller «hjelm», ein hol struktur som går langs overnebbet. Hos enkelte artar er han knapt merkbar og ser ikkje ut til å tene nokon funksjon utover å styrkje nebbet. Hos andre artar er han ganske stor, er forsterka med bein, og har opningar mellom holrom i sentrum som gjev resonans for lydar. Hos [[hjelmhornfugl]] er ikkje utveksten hol, men er fylt med «hornfuglelfenbein» og brukast som ein slags rambukk i dramatiske luftkampar. Slike ''casque''-kampar har òg vore observert blant [[storhornnebb]].

Fjørdrakta hos hornfuglar er vanlegvis svart, grå, kvit eller brun, men ofte motverka av sterke farger på nebbet, eller flekkar av naken hud i ansiktet eller hudfoldar. Lydnivået blant hornfuglar er høgt, og det varierer artstypisk.

== Åtferd ==
Hornfuglar har kikkertsyn, men i motsetnad til dei fleste fuglar med denne eigenskapen vil nebbet åt hornfuglen trengje inn i synsfeltet. Dermed ser dei òg nebbspissen og det aukar presisjonen når dei handterer matbitar med nebbet. Auga er verna av store [[augevippe]]r som kan gje skugge.

=== Diett ===
Hornfuglar er altetande fuglar, med frukt, [[insekt]] og smådyr på menyen. Når maten er tatt med spissen av nebbet er tunga for kort for å ta inn maten i munnen og svelgje han direkte, så dei må kaste matstykket inn i halsen med eit rykk med hovudet. Artar som lever både på opent land og i skog er altetande, fruktspesialistar finn ein i reine skogshabitat medan fleire kjøtetande artar finst i opent savannar. Skogslevande artar av hornfuglar reknast å vere viktig frøspreiarar. 

I nokre fall vil hornfuglar forsvare eit fast territorium, i andre fall ikkje. Slik åtferd er relatert til kosthald, til dømes er fruktetarar lite territoriale fordi fruktkjelder ofte er spreidde over større område.

== Forplanting ==
Hornfuglar generelt dannar monogame par, sjølv om enkelte artar rugar kooperativt. Hofuglar legg opp til seks kvite [[egg]] i eksisterande hòl, enten i tre i skogen eller opningar i fjellet. Ofte er det naturlege hòl, men somme artar kan ha reirplassar som er forlatne av [[spettar]] og [[skjeggfuglar]]. Paret kan nytte same hekkeplass i fleire følgjande år. Før egglegging og hekkinga tar til, vil hoa, assistert av hannen sørgje for å lukke inngangen til reirhòlet med ein vegg av leire, [[avføring]] og fruktcellulose. Når hofuglen er klar til å legge egga er inngangen akkurat stor nok for å passere inn, og etter at ho har gjort det vil opninga som står att òg bli forsegla. Men det vil framleis vere opning til å la hannen føre inn mat til hoa og seinare til ungane. Føremålet med denne åtferda er openbert knytt til å verne reirområdet mot rivaliserande hornfuglar. Forseglinga kan gjerast på få timar, hos dei fleste artar tar det eit par dagar. Etter det tar det ytterlegare fem dagar for første egg vert lagt. Storleiken på kullet varierer frå eitt eller to egg hos store artar til opptil seks egg for mindre artar. Under rugeperiode vil hofuglen gjennomgå ei fullstendig [[myting]] av alle fjør i parallell. Det har vore hinta at mørket i hòlrommet løyser ut ei hormonstyrt myting. Ikkje-rugande hoer og hannar går gjennom ein sekvensiell myting. Når ungane er for store til å ha plass i reiret saman med forelderen, bryt ho ut, og begge foreldra matar ungane. Hos enkelte artar kan mora byggje opp att veggen, hos andre artar kan ungane sjølv byggje opp veggen utan assistanse. 

=== Samhandlingar med andre artar ===
Ei rekkje hornfuglartar er tilpassa sameksistens med andre dyrearter. For eksempel har hornfuglar i Afrika [[mutualisme]] med [[dvergmungoar]], dei et saman og åtvarar kvarandre mot [[rovfuglar]] og andre predatorar som kjem nær. Andre forhold er [[kommensialist]]iske, for eksempel når hornfuglar følgjer apekattar og andre dyr og et insekt som blir skremt opp.

== Artsliste ==
Nolevande artar i hornfuglfamilien i rekkjefølgje etter [[EBird/Clements Checklist]] v2017<ref name="ebird">{{Referanse:eBird v2017|lestdato=1. oktober 2017}}</ref> med norske namn etter ''Norske navn på verdens fugler'':<ref name="nof2017">{{Referanse:NorskeFuglenamn‎2017}}</ref>

<div class="references-small" style="-moz-column-count:2; column-count:2;">

;Slekt ''[[Lophoceros]]''
* [[Brundvergtoko]], ''Lophoceros camurus'', Red-billed Dwarf Hornbill, <small>Cassin, 1857, (LC)</small>
* [[Bantutoko]], ''Lophoceros alboterminatus'', Crowned Hornbill, <small>Büttikofer, 1889, (LC)</small>
* [[Ravinetoko]], ''Lophoceros bradfieldi'', Bradfield's Hornbill, <small>Roberts, 1930, (LC)</small>
* [[Palmetoko]], ''Lophoceros fasciatus'', African Pied Hornbill, <small>Shaw, 1812, (LC)</small>
* [[Klippetoko]], ''Lophoceros hemprichii'', Hemprich's Hornbill, <small>Ehrenberg, 1833, (LC)</small>
* [[Gråtoko]], ''Lophoceros nasutus'', African Gray Hornbill, <small>Linné, 1766, (LC)</small>
* [[Miombotoko]], ''Lophoceros pallidirostris'', Pale-billed Hornbill, <small>Hartlaub & Finsch, 1870, (LC)</small>
;Slekt ''[[Tockus]]''
* [[Gulnebbtoko]], ''Tockus flavirostris'', Eastern Yellow-billed Hornbill, <small>Rüppell, 1835, (LC)</small>
* [[Banantoko]], ''Tockus leucomelas'', Southern Yellow-billed Hornbill, <small>Lichtenstein, MHK, 1842, (LC)</small>
* [[Turkanatoko]], ''Tockus jacksoni'', Jackson's Hornbill, <small>Ogilvie-Grant, 1891, (LC)</small>
* [[Savannetoko]], ''Tockus deckeni'', Von der Decken's Hornbill, <small>Cabanis, 1868, (LC)</small>
* [[Hererotoko]], ''Tockus monteiri'', Monteiro's Hornbill, <small>Hartlaub, 1865, (LC)</small>
* [[Blodnebbtoko]], ''Tockus rufirostris'', Southern Red-billed Hornbill<small>Sundevall, 1850</small>
* [[Damaratoko]], ''Tockus damarensis'', Damara Red-billed Hornbill, <small>Shelley, 1888, (LC)</small>
* [[Tanzaniatoko]], ''Tockus ruahae'', Tanzanian Red-billed Hornbill<small>Kemp & Delport, 2002</small>
* [[Guineatoko]], ''Tockus kempi'', Western Red-billed Hornbill<small>Tréca & Érard, 2000</small>
* [[Raudnebbtoko]], ''Tockus erythrorhynchus'', Northern Red-billed Hornbill, <small>Temminck, 1823, (LC)</small>
;Slekt ''[[Berenicornis]]''
* [[Kvitmankehornfugl]], ''Berenicornis comatus'', White-crowned Hornbill, <small>Raffles, 1822, (NT)</small>
;Slekt ''[[Horizocerus]]''
* [[Langhaletoko]], ''Horizocerus albocristatus'', White-crested Hornbill, <small>Cassin, 1848, (LC)</small>
* [[Svartdvergtoko]], ''Horizocerus hartlaubi'', Black Dwarf Hornbill, <small>Gould, 1861, (LC)</small>
;Slekt ''[[Ceratogymna]]''
* [[Svarthornfugl]], ''Ceratogymna atrata'', Black-casqued Hornbill, <small>Temminck, 1835, (LC)</small>
* [[Høvdinghornfugl]], ''Ceratogymna elata'', Yellow-casqued Hornbill, <small>Temminck, 1831, (VU)</small>
;Slekt ''[[Bycanistes]]''
* [[Sølvkinnhornfugl]], ''Bycanistes brevis'', Silvery-cheeked Hornbill, <small>Friedmann, 1929, (LC)</small>
* [[Gråkinnhornfugl]], ''Bycanistes subcylindricus'', Black-and-white-casqued Hornbill, <small>Sclater, PL, 1871, (LC)</small>
* [[Brunkinnhornfugl]], ''Bycanistes cylindricus'', Brown-cheeked Hornbill, <small>Temminck, 1831, (VU)</small>
* [[Bandhalehornfugl]], ''Bycanistes albotibialis'', White-thighed Hornbill, <small>Cabanis & Reichenow, 1877, (LC)</small>
* [[Trompeterhornfugl]], ''Bycanistes bucinator'', Trumpeter Hornbill, <small>Temminck, 1824, (LC)</small>
* [[Piphornfugl]], ''Bycanistes fistulator'', Piping Hornbill, <small>Cassin, 1850, (LC)</small>
;Slekt ''[[Buceros]]''
* [[Hjelmhornfugl]], ''Buceros vigil'', Helmeted Hornbill, <small>Forster, 1841, (CR)</small>
* [[Blodhornfugl]], ''Buceros hydrocorax'', Rufous Hornbill, <small>Linné, 1766, (VU)</small>
* [[Nashornfugl]], ''Buceros rhinoceros'', Rhinoceros Hornbill, <small>Linné, 1758, (NT)</small>
* [[Storhornfugl]], ''Buceros bicornis'', Great Hornbill, <small>Linné, 1758, (NT)</small>
;Slekt ''[[Anorrhinus]]''
* [[Bronsehornfugl]], ''Anorrhinus galeritus'', Bushy-crested Hornbill, <small>Temminck, 1831, (LC)</small>
* [[Kvitkinnhornfugl]], ''Anorrhinus austeni'', Brown Hornbill, <small>Jerdon, 1872, (NT)</small>
* [[Brunhornfugl]], ''Anorrhinus tickelli'', Rusty-cheeked Hornbill, <small>Blyth, 1855, (NT)</small>
;Slekt ''[[Ocyceros]]''
* [[Indiahornfugl]], ''Ocyceros birostris'', Indian Gray Hornbill, <small>Scopoli, 1786, (LC)</small>
* [[Malabarhornfugl]], ''Ocyceros griseus'', Malabar Gray Hornbill, <small>Latham, 1790, (LC)</small>
* [[Singalesarhornfugl]], ''Ocyceros gingalensis'', Sri Lanka Gray Hornbill, <small>Shaw, 1812, (LC)</small>
;Slekt ''[[Anthracoceros]]''
* [[Malayhornfugl]], ''Anthracoceros malayanus'', Black Hornbill, <small>Raffles, 1822, (NT)</small>
* [[Suluhornfugl]], ''Anthracoceros montani'', Sulu Hornbill, <small>Oustalet, 1880, (CR)</small>
* [[Hinduhornfugl]], ''Anthracoceros coronatus'', Malabar Pied-Hornbill, <small>Boddaert, 1783, (NT)</small>
* [[Orienthornfugl]], ''Anthracoceros albirostris'', Oriental Pied-Hornbill, <small>Shaw, 1808, (LC)</small>
* [[Palawanhornfugl]], ''Anthracoceros marchei'', Palawan Hornbill, <small>Oustalet, 1885, (VU)</small>
;Slekt ''[[Aceros]]''
* [[Raudhalshornfugl]], ''Aceros nipalensis'', Rufous-necked Hornbill, <small>Hodgson, 1829, (VU)</small>
;Slekt ''[[Rhyticeros]]''
* [[Knopphornfugl]], ''Rhyticeros cassidix'', Knobbed Hornbill, <small>Temminck, 1823, (VU)</small>
* [[Sumbahornfugl]], ''Rhyticeros everetti'', Sumba Hornbill, <small>Rothschild, 1897, (VU)</small>
* [[Arrhornfugl]], ''Rhyticeros undulatus'', Wreathed Hornbill, <small>Shaw, 1812, (LC)</small>
* [[Gulpunghornfugl]], ''Rhyticeros subruficollis'', Plain-pouched Hornbill, <small>Blyth, 1843, (VU)</small>
* [[Narcondamhornfugl]], ''Rhyticeros narcondami'', Narcondam Hornbill, <small>Hume, 1873, (EN)</small>
* [[Papuahornfugl]], ''Rhyticeros plicatus'', Blyth's Hornbill, <small>Forster, JR, 1781, (LC)</small>
;Slekt ''[[Rhabdotorrhinus]]''
* [[Sulawesihornfugl]], ''Rhabdotorrhinus exarhatus'', Sulawesi Hornbill, <small>Temminck, 1823, (VU)</small>
* [[Rynkehornfugl]], ''Rhabdotorrhinus corrugatus'', Wrinkled Hornbill, <small>Temminck, 1832, (NT)</small>
* [[Negroshornfugl]], ''Rhabdotorrhinus waldeni'', Writhe-billed Hornbill, <small>Sharpe, 1877, (CR)</small>
* [[Brunkronehornfugl]], ''Rhabdotorrhinus leucocephalus'', Writhed Hornbill, <small>Vieillot, 1816, (NT)</small>
;Slekt ''[[Penelopides]]''
* [[Visayhornfugl]], ''Penelopides panini'', Visayan Hornbill, <small>Boddaert, 1783, (EN)</small>
* [[Luzonhornfugl]], ''Penelopides manillae'', Luzon Hornbill, <small>Boddaert, 1783, (LC)</small>
* [[Mindorohornfugl]], ''Penelopides mindorensis'', Mindoro Hornbill, <small>Steere, 1890, (EN)</small>
* [[Samarhornfugl]], ''Penelopides samarensis'', Samar Hornbill<small>Steere, 1890</small>
* [[Mindanaohornfugl]], ''Penelopides affinis'', Mindanao Hornbill, <small>Tweeddale, 1877, (LC)</small>
</div>

== Bakgrunnsstoff ==
* [http://ibc.lynxeds.com/family/hornbills-bucerotidae Videoar av hornfuglar] hos Internet Bird Collection

== Kjelder ==
<div class="references-small">
* ''Denne artikkelen bygger på «[[:en:Hornbill|Hornbill]]» frå {{Wikipedia-utgåve|en}}, den 12. august 2009 
</div>
=== Fotnotar ===
{{fotnoteliste}}
{{Autoritetsdata}}

[[Kategori:Hornfuglfamilien]]
[[Kategori:Fuglar i den afrotropiske regionen]]
[[Kategori:Fuglar i den orientalske regionen]]