Ian Rankin

Ian Rankin
Pseudonym	Jack Harvey
Statsborgarskap	Storbritannia
Fødd	28. april 1960 (63 år) Cardenden
Yrke	krimforfatter, romanforfattar, skribent
Sjanger	krim
Ian Rankin på Commons

Ian Rankin med ei av bøkene sine.

Ian Rankin (fødd 28. april 1960) er ein skotsk kriminalforfattar. Han er særleg kjend for bøkene om politietterforskaren John Rebus frå Edinburgh. Han har også skrive under pseudonymet Jack Harvey.

Rankin er ein av dei bestseljande krimforfattarane i Storbritannia, og blir av mange kritikarar rekna for å vera landets fremste forfattar av politiromanar. I heimlandet har han vunne mange litterære prisar, og hadde knapt passert middelaldrande då han blei tildelt den høgaste utmerkinga til Crime Writers' Association, The Cartier Diamond Dagger, for «livslang utmerking i forfattarskapen sin og viktige bidrag til den engelskspråklege kriminallitteraturen» i 2005. Han var då allereie blitt løna med Order of the British Empire i 2002.

Liv og virke

Bakgrunn

Rankin er frå Cardenden i Fife. Far hans, James, hadde ein daglegvarebutikk, medan mora arbeidde ved ei skulekantine. Han var elev ved Beath High School i Cowdenbeath. Foreldra blei forskrekka då han valde å studera litteratur ved universitetet, ettersom dei hadde forventa noko yrkesretta.

Rankin studerte ved University of Edinburgh, der han seinare underviste i litteratur. Han gjekk ut i 1982. Han byrja på ei doktorgrad om Muriel Spark, men fullførte henne ikkje. Han arbeidde vidare i offentleg administrasjon, som journalist og som researcher før han blei forfattar på heiltid. Han budde i Tottenham i London i fire år og så på den franske landsbyga i seks medan han utvikla karrieren sin som forfattar. Ifølge eigne opplysingar skal han dessutan ha hatt jobbar som drueplukkar, svinegjetar, skatteinnkrevar, alkoholforskar, hi-fi-journalist og punkmusikar i gruppa Dancing Pigs.

Forfattarskap

Rankin byrja ikkje som krimforfattar, men skreiv bøker han meinte var «vanleg». Knots and Crosses og Hide and Seek følgde i den skotske tradisjonen til Robert Louis Stevenson og tilmed Muriel Spark. Han undra seg over at dei blei klassifiserte som krim, men blei forsikra av forfattaren Allan Massie, som støtta Rankin som writer-in-residence ved University of Edinburgh, som sa: "Do you think John Buchan ever worried about whether he was writing literature or not?"

Helten i dei to bøkene er Inspector Rebus. Romanane om han føregår hovudsakleg i Edinburgh, som er blitt kalla hovudfiguren i bøkene. Rankin er rekna som ein av grunnleggjarane av den skotske krimsjangeren kjend som tartan noir. Tretten av romanane og ei novelle blei filmatiserte som tv-serien Rebus på ITV, med John Hannah som Rebus i serie 1 og 2 (4 episodar) og Ken Stott i rolla i seriane 3–5 (10 episodar).

I 2005 stod Rankin for 10 % av alle sala av krimlitteratur i Storbritannia.

Utgjevingar

• The Flood (1986)
• Knots and Crosses (1987)
• Watchman (1988)
• Hide and Seek (1991)
• Tooth and Nail (1992) (også utgitt som Wolfman)
• A Good Hanging and Other Stories – novellesamling (1992)
• Strip Jack (1992)
• The Black Book (1993)
• Witch Hunt (1993)
• Bleeding Hearts (1994)
• Mortal Causes (1994)
• Blood Hunt (1995)
• Let it Bleed (1996)
• Black and Blue (1997)
• The Hanging Garden (1998)
• Dead Souls (1999)
• Set in Darkness (2000)
• The Falls (2001)
• Resurrection Men (2002)
• Beggars Banquet – novellesamling (2002)
• A Question of Blood (2003)
• Rebus's Scotland: A Personal Journey (2005)
• Fleshmarket Close (2005)
• The Naming of the Dead (2006)
• Exit Music (2007)
• Doors Open (2008)
• The Complaints (2009)
• Dark Entries (2009)
• A Cool Head (2009)
• The Impossible Dead (2011)
• Standing in Another Man's Grave (2012)
• Saints of the Shadow Bible (2013)
• The Beat Goes On (2014)
• Dark Road (2014) med Mark Thomson
• Even Dogs in the Wild (2015)
• The Travelling Companion (2016)
• Rather Be the Devil (2016)
• Rebus: Long Shadows (2018)
• In a House of Lies (2018)
• A Song for the Dark Times (2020)
• A Heart Full of Headstones (2022)

Bøker omsette til norsk

Norsk tittel	Utgitt	Originaltittel	Utgitt
Døde sjeler	2000	Dead souls	1999
Black & Blue	2001	Black and Blue	1997
Den hengende have	2002	The Hanging Garden	1998
Når mørket faller	2003	Set in darkness	2000
Fossen	2004	The Falls	2001
Botsgang	2005	Resurrection Men	2002
Blodsbånd	2005	A Question of Blood	2003
Fleshmarket Close	2007	Fleshmarket Close	2005
De dødes navn	2008	The Naming of the Dead	2006
Rebus' siste spor	2009	Exit music	2007
Spesialenheten	2010	The Complaints	2009
En sang for mørke tider	2021	A Song for the Dark Times	2020	ISBN 978-82-34-70987-6

Prisar og utmerkingar

• The Chandler-Fulbright Award 1996
• The Short Story Dagger 1996, for Herbert in Motion
• The Gold Dagger 1997, for Black and Blue
• Palle Rosenkrantz-prisen 2000, for Fortids synder (Black and Blue)
• Order of the British Empire 2002
• Grand Prix du roman noir du festival de Cognac 2003, for Le Jardin des pendus (The Hanging Garden)
• The Edgar Award for Best Novel 2004, for Resurrection Men
• British Book Awards, Crime Thriller of the Year 2005, for Fleshmarket Close
• Grand Prix de Littérature Policière 2005, for La Mort dans l'ame (Dead Souls)
• The Cartier Diamond Dagger 2005

Kjelder

• Denne artikkelen bygger på «Ian Rankin» frå Wikipedia på bokmål, og «Ian Rankin» frå Wikipedia på engelsk den 5. april 2023.

Bakgrunnsstoff

• Offisiell nettstad