Johan Litleskare
Ole Johan Jonsson Litleskare (29. juli 1874–29. mars 1941) var ein gardbrukar, gartnar og lokalhistorikar.
Litleskare var fødd i Åsane i Hordaland og voks opp i Alversund, dit foreldra hans flytta. Sjølv utdanna han seg til gartnar, tok seinare over farsgarden då han var odelsgut.
Etter Litleskare i 1925 kom med Øydejorder, gløymde gardsnamn og borttynte gardar i Nordhordland, gav han frå 1929 ut eit titals arbeid om ymse kyrkjer i Nordhordland. Han skreiv òg mange artiklar prenta i sogelagsskrift og i aviser.
Kjelder
[endre | endre wikiteksten]Norsk Allkunnebok. VIII. bandet. 1957