Jon Inge Høiland

Jon Inge Høiland
Statsborgarskap	Noreg
Fødd	20. september 1977 (48 år) Lillehammer kommune
Idrett	fotball

Jon Inge Høiland (fødd 20. september 1977) er ein norsk tidlegare fotballspelar frå Fåberg i Oppland. Han var forsvarsspelar og deltok i 25 landskampar. Høiland spelte oftast høgreback, tidvis var han også stoppar.

Karriere

Klubbspel

Høiland seriedebuterte med Faaberg IL i 1994 på nivå 3. Tidleg i august 1995 skreiv han kontrakt med Bryne FK på nivå 2. Sesongane 1997 og -98 spelte han for eliteserielaget Kongsvinger IL. Åra 1999-2002 var han aktiv i svenske IFK Göteborg. Deretter gjorde han teneste i Malmö FF frå 2003 til 2007. I siste serieomgang i Allsvenskan 2004 vart Høiland den store helten då han, etter målvakta stoppa eit Malmö-straffespark, var frampå og sette returen i mål. Malmö vann kampen 1-0 og og vart allsvensk meister. Vårsesongen 2006 spelte han på tyske FC Kaiserslautern, ein klubb som rykte ned or bundesligaen.

I august 2007 vart Høiland overført til Stabæk IF. Året etter var han med om å vinne klubbens einaste seriegull i fotball for menn. Etter at treårs-kontrakten gjekk ut, var han Rosenborg-spelar 2011-13. I 2014 spelte Høiland ein siste sesong på toppnivå, atter med Stabæk IF.

Landslagsspel

Høiland deltok i 25 landskampar. Han debuterte 22. januar 2004 og spelte siste kampen den 29. mai 2010. 1. april 2009 skåra han eitt av måla då Noreg vann med 3 mot 2 over Finland.

Merittar

• Svensk seriemeister: 2004 med Malmö FF
• Norsk seriemeister: 2008 med Stabæk IF

Kjelder

• Denne artikkelen bygger på «Jon Inge Høiland» frå Wikipedia på engelsk, den 18. oktober 2021.
• eu-football