Jorunn Bjørgum

Frå Wikipedia – det frie oppslagsverket
Hopp til navigering Hopp til søk
Jorunn Bjørgum
FøddJorunn Hagen
22. januar 1942
NasjonalitetNoreg
Yrkehistorikar, professor
InstitusjonarUniversitetet i Oslo

Jorunn Bjørgum (fødd 22. januar 1942 som Jorunn Hagen) er ein norsk historikar. Ho er tidlegare professor i historie ved Universitetet i Oslo, og har vore instituttstyrar ved Historisk institutt (2000–2003) og det sammenslåtte Institutt for arkeologi, konservering og historie (2005–2008).[1] Forskinga hennar har konsentrert seg om historia til arbeidarrørsla. Frå 2012 er Bjørgum pensjonist.

Karriere[endre | endre wikiteksten]

Bjørgum vart cand. philol. ved UiO i 1968 med historie hovedfag og engelsk og fransk mellomfag. Ho arbeidde i Norsk Kjemisk Industriarbeidarforbund 1969–1971 og var stipendiat, vitskapleg assistent og amanuensis ved Historisk institutt ved UiO i perioden 1972–1980. Ho var frå 1981 til 1998 førsteamanuensis same stad og vart professor i historie i 1999. Ho vart dr. philos. i 1996, med avhandlinga Martin Tranmæl og radikaliseringen av norsk arbeiderbevegelse 1906–1918[2] (utgjeve på nytt i 1998). Ho har vore gjesteforskar ved University of Pittsburgh (1988–1990), og har gjesta Stockholms universitet og Södertörns högskola (1997–1998).

Som instituttstyrar var Bjørgum involvert i konflikten med professor Arnved Nedkvitne, som førte til avskjedssaka mot han.[3]

Jorunn Bjørgum er syster av Carl I. Hagen.[4] Faren Ragnar Hagen (1908–69) var disponent. Ho er opphavleg frå Røa.

Prisar og utmerkingar[endre | endre wikiteksten]

Bjørgum mottok Eilert Sundt-prisen for 2006.[5]

Publikasjonar[endre | endre wikiteksten]

  • Venstre og kriseforliket. Landbrukspolitikk og parlamentarisk spill 1934-1935. (1970, 2. utg. 1978)
  • Norsk Kjemisk Industriarbeiderforbund gjennom 50 år (1973)
  • 1998 – Martin Tranmæl og radikaliseringen av norsk arbeiderbevegelse 1906-1918 I fulltekst ved nb.no
  • Da Høire parerte ordre. Høyre og voldgiftsloven av 1927 Historisk tidsskrift 1987 66: 1-27
  • Syndikalismen i Norge. Historisk tidsskrift 1998 77: 31-50

Kjelder[endre | endre wikiteksten]

  1. «Jorunn Bjørgum - Institutt for arkeologi, konservering og historie», www.hf.uio.no (på norsk), henta 17. september 2019 
  2. http://www.hf.uio.no/forskning/dok-disp/d-navn/bjorgum.htm[daud lenkje]
  3. «UiO på tiltalebenken - Uniforum», www.uniforum.uio.no (på norsk), henta 17. september 2019 
  4. http://www.dagogtid.no/nyhet.cfm?nyhetid=949[daud lenkje]
  5. «Eilert Sundt-prisen 2006 til Jorunn Bjørgum». 28. mars 2007. Arkivert frå originalen 2007-08-31. Henta 13. januar 2010. 

Bakgrunnsstoff[endre | endre wikiteksten]