Langdon Bay

Frå Wikipedia – det frie oppslagsverket
Hopp til navigering Hopp til søk
Langdon Cliffs til South Foreland-fyret

Langdon Bay er ei bukt aust i Kent i England. Ho ligg 3 km aust for byen Dover og er kalla opp etter dei nærliggande landsbyane Langdon, East Langdon og West Langdon. Klippene rundt området vert kalla Langdon Cliffs (Langdonklippene), og frå toppen av klippene svingar ein sti seg nedover til stranda.

Historie[endre | endre wikiteksten]

Bukta er kjend for store funn frå bronsealderen i 1974. Dette var mellom anna ei bronseøks av fransk type, som ein trur kan ha kome frå ein båt som dreiv i land her under ein storm langs den engelske kysten. Dette viser at det føregjekk handel over Den engelske kanalen alt i bronsealderen, om ikkje enno tidlegare. Øksa er i dag eigd av British Museum, men er utlånt til Dover Museum i Dover.

Tre søkelysbatteri, Langdon Lights, vart bygd inn i klippene under den andre verdskrigen slik at skip som gjekk inn i bukta kunne lysast opp medan dei vart kontrollerte. Eit slikt batteri er i dag øydelagd etter eit ras.[1]

Området oppfor klippene er i dag grasskledde bakkar og eit naturreservat eigd av National Trust. Store delar av dette reservatet vert rekna som ein «stad av særleg vitskapleg interesse» (SSSI) og «eit særleg vakkert naturområde» (AONB).[2]

Kjelder[endre | endre wikiteksten]

Koordinatar: 51°8′1″ N 1°21′4″ E