Málmey

Frå Wikipedia – det frie oppslagsverket
Málmey

Málmey ('Malmøy' på norsk) er ei øy i Skagafjörður nord på Island. Málmey ligg om lag 10 km nord for bygda Hofsós i kommunen Skagafjörður.

Øya er omgjeven av klipper på alle sider. Ho er ei 4 km lang og smal lavaøy som ligg i det 5 km breie Málmeyarsund. Det høgaste punktet på øya ligg i nord og er 156 moh.[1][2][3][4]

Søraust på øya ligg eit fyr som blei bygd i 1937.[2][5] Fram til 1950 var øya folkesett, men då ein brann øydela garden som huste 14 folk blei ho forlaten.[2][3][4] I staden held mange fuglar til på Málmey.

Øya er omtalt i Sturlunga saga som staden der biskop Guðmundur Arason flykta i 1221 for å koma unna Tumi Sighvatsson og folka hans, som truga med å drepa han. Guðmundur forlét øya på påskedag, etter at hans folk hadde drepe Tumi Sighvatsson.[2][6]

Kjelder[endre | endre wikiteksten]

Bakgrunnsstoff[endre | endre wikiteksten]

Koordinatar: 60°00′50″N 19°32′00″W

  1. «Northwest Iceland». northwest.is. Arkivert frå originalen 22. juli 2011. Henta 12 August 2014. 
  2. 2,0 2,1 2,2 2,3 «Malmey - Travel Guide». nat.is. Nordic Adventure Travel. 2008. Arkivert frå originalen 25. juli 2016. Henta 12 August 2014. 
  3. 3,0 3,1 Young, Don; Young, Marjorie. Iceland Adventure Guide. Hunter Publishing. s. 505–506. Henta 12 August 2014. 
  4. 4,0 4,1 Appleton, Jane Victoria; Shannen, Lisa Gail (2010). Frommer's Iceland. John Wiley and Sons. Henta 12 August 2014. 
  5. «Lighthouses of Northern Iceland». unc.edu. University of North Carolina. Arkivert frå originalen 29. april 2017. Henta 12 August 2014. 
  6. Benediktsson, Jakob (1958). Sturlunga Saga. Twayne Publishers. s. 182–184. Henta 12 August 2014.