National Public Radio

Frå Wikipedia – det frie oppslagsverket
Hopp til navigering Hopp til søk
National Public Radio
NPR Headquarters Building Tour 33202 (10714336623).jpg
Skipa26. februar 1970
LandUSA Edit this on Wikidata
Hovudkvarteret til NPR i Washington D.C.

National Public Radio (NPR) er eit amerikansk medieføretak som blir drive utan forteneste, basert på private og offentlege donasjonar. Organisasjonen er ei medlemskapsbedrift og fungerer som eit syndikat for offentlege radiostasjonar i USA. NPR vart oppretta i 1970 etter at lova om offentleg kringkasting (Public Broadcasting Act of 1967) vart vedtatt i 1967. Lova vart underteikna av president Lyndon B. Johnson, noko som oppretta Corporation for Public Broadcasting og også førte til skipinga av Public Broadcasting Service. Nettverket vart stifta i 1970 med 30 tilsette og 90 offentlege radiostasjonar som medlemmer.

På same sett som dei offentlege radionettverka American Public Media og Public Radio International produserer og distribuerer NPR nyheits- og kulturprogram. Medlemsstasjonane er ikkje påkravde å senda alle desse programma og dei fleste offentlege radiostasjonar kringkastar program frå alle dei tre nettverka. NPR har to nyheitssendingar som flaggskips-program – Morning Edition og ettermiddagsvarianten All Things Considered – begge blir sende av nesten alle NPR-medlemmer og var i 2002 dei 2. og 3. mest populære radioprogramma i USA. I ei undersøking gjort av Harris i 2005 kom NPR ut som den mest truverdige nyheitskjelda i USA.[1]

Kjelder[endre | endre wikiteksten]

  1. Eggerton, John (10. november 2005). «Survey Says: Noncom News Most Trusted» (engelsk). Broadcasting & Cable. Arkivert frå originalen 2006-08-27. Henta 9. september 2007.