Palembang

Ampera-brua, landemerke i Palembang

Palembang er ein storby søraust på øya Sumatra i Indonesia. Byen, som har i kring 1,7 millionar ibuarar, er hovudsete for provinsstyresmaktene i Sumatera Selatan (Sør-Sumatra). Han ligg ved elva Musi, vel 60 kilometer frå kysten og Bangkasundet.

Palembang er ein av dei eldste byane i Indonesia, kjend frå 600-talet. Han var på den tid og i fleire hundreår hovudstad i det vidstrakte, buddhistiske kongedømmet Srivijaya.