Parry O’Brien

Parry O’Brien
Statsborgarskap	USA
Fødd	28. januar 1932 Santa Monica
Død	21. april 2007 (75 år) Santa Clarita
Idrett	friidrett
Tok del i	Sommar-OL 1964, Sommar-OL 1960, Sommar-OL 1956, Sommar-OL 1952

William Patrick O'Brien, kjend som Parry O'Brien, (28. januar 1932–21. april 2007) var ein USA-amerikansk friidrettsutøvar frå Santa Monica i California. Han vart olympisk meister i kulestøyt i 1952 og 1956, og vann ei sølvmedalje i øvinga i 1960.

Aktiv

Tidleg i 1950-åra utvikla O'Brien ein ny metode i kulestøyt. Ved å rotere 180 grader i høve kastretninga gav han kroppen, og dermed kula større utgangsfart. Med denne støytmetoda sette han 17 verdsrekordar i åra frå 1953 til 1959. Sin fyrste verdsrekord, 18 meter jamnt, sette han i Fresno 9. mai 1953. Siste rekorden, 1. mai 1959, landa kula på 19,30 m i Albuquerque. Sitt aller lengste kulestøyt presterte O'Brien i 1966 med 19,69 m.

Mellom 1952 og -56 vann O'Brien 116 tevlingar på rad. Under Sommar-OL 1964 i Tokyo, der han vart nummer fire i kulstøyt, var han flaggberar for troppa frå USA. Både i 1955 og 1959 vann han kulestøyt i dei panamerikanske leikane.

O'Brien døydde medan han deltok i ei symjetevling i Santa Clarita i California.

Medaljar og plasseringar i internasjonale meisterskap

• OL 1952 i Helsinki: Gullmedalje - 17,41 m, framom Darrow Hooper (17,39 m)
• OL 1956 i Melbourne: Gullmedalje - 18,57 m, framom Bill Nieder (18,18 m)
• OL 1960 i Roma: Sølvemdalje - 19,11 m, bakom Bill Nieder (19,68 m) og framom Dallas Long (19,01 m)
• OL 1964 i Tokyo: Nr 4 - 19,20 m, bakom Vilmos Varjú (19,39 m)

Kjelder

• Denne artikkelen bygger på «Parry O’Brien» frå Wikipedia på tysk, den 8. august 2015.

• Denne artikkelen bygger på «Parry O’Brien» frå Wikipedia på engelsk, den 8. august 2015.