Saginawelva
| Saginawelva | |||
| elv | |||
 | |||
| Land |  USA
| ||
|---|---|---|---|
 Saginawelva 43°38′49″N 83°51′02″W / 43.647°N 83.8505°W | |||
| Wikimedia Commons: Saginaw River | |||
Saginaw er ei elv på 22,4 miles (36,0 km[1] i den amerikanske delstaten Michigan. Ho byrjar ved samløpet til Tittabawassee og Shiawassee sørvest for byen Saginaw. Ho renn nord inn i Saginaw-bukta av Huronsjøen og så gjennom byane Saginaw og Bay City, som begge utvikla seg rundt elva på 1800-talet. Nedslagsfeltet til Saginaw er 8 595 kvadratmile (22 260 km2).[2] Ved munningen strøymer det gjennomsnittleg 4,827 kubikkfot per sekund (0,1367 m3/s) vatn.[3]
Elva er ei viktig transportåre for midtre Michigan, og er ei av dei få innlandselvane i Michigan som kan nyttast av fartøy.
Historie[endre | endre wikiteksten]
Saginaw-elva blei brukt til fiske og som transportveg med kano av innfødde folkeslag før den europeiske koloniseringa. Frå 1700-talet møtte pelshandlarar og fangstfolk kvarande ved ein post ved munningen av elva, eller reiste opp elva og bielvane hennar for å handla med ojibwe-stammene i regionen med europeisk- og amerikansk-produserte varer.
Etterkvart som det utvikla seg byar langs elva, blei det lettare å reiser lenger inn i landet. Det blei også starta sagverk og seinare fabrikkar. Det fyrste fyret ved elvastod ferdig i 1841, og det blei bygd eit par fyr i 1876 som blei elektrifiserte i 1915. Saginaw River Rear Range Light blei oppført på National Register of Historic Places i 1984.
På slutten av 1800-talet frakta dampskip som «Wellington R. Burt» passasjerar mellom dei store byane Saginaw og Bay City, og til andre hamner langs dei store sjøane. Saginaw-elva har halde fram med å vera ein viktig transportveg der ein frakter varer inn og ut av regionen. Ifølge Saginaw Future blei det frakta 4,6 millionar tonn på elva kvart år.[4]
Det blei også utvikla annan industri, med store verksemder grunnlagt av både General Motors og Dow Chemical Company på stader langs elva frå byrjinga av 1900-talet. Dette skapte mange industrielle arbeidsplassar i området, men mange av desse er gått tapt etter at selskapa har gått gjennom omstrukturering. Nye industriar i regionen har vore avansert produksjon som Nexteer, medisinsk teknologi, profesjonelle tenester, fornybar energi og jordbruksindustri.[4]
Rekreasjon[endre | endre wikiteksten]
Gjennom fleire tiår har ein tatt tilbake Saginaw-elva til rekreasjonsbruk, og byane har prøvd å utvikla nye band mellom elva og innbyggjarane. Ein tre mile lang RiverWalk som er tilpassa gåing og sykling blei bygd langs elva i sentrum av Saginaw og Bay City. Saginaw Bay Yacht Club, som blei grunnlagd etablert i 1894, ligg nær munningen av Saginaw-elva og held regelmessige kappseglingar og tilhøyrande arrangement. Elva er òg populær for motorbåtar.
Sportfiskarar er aktive her, og mange tek tel i den årlege isfiskefestivalen Shiver on the River. Kvar vinter blir det fiska store fiskar gjennom hol i elveisen. Tidleg om våren er ein annan fiskesesong.
Hundrevis av tilskodarar kjem til elvebreiddene for å ta del i festivalar som River Roar speedboat races,[5] Tall Ship Celebrations[6] og to av dei største fyrverkeritilstellingane i Midtvesten.[7] I 2012 blei det største fyrverkeriet i Michigan nokon sinne vist over Saginawelva i Bay City, med 50.000 mortarar, og varte 50 minuttar. Det markerte femtiårsdagen til Bay City Fireworks Festival.[8]
Reinseprosjekt[endre | endre wikiteksten]
Regionen rundt Saginaw-elva og Saginaw Bay omfattar det største samanhengande ferskvass- og kystområdet av våtmark i Amerika.[9] På grunn av industrialisering og folkevekst sidan 1800-talet har Saginaw-elva og nedslagsfeltet hennar blitt ureina med ulike typar avløp som er sloppe ut i elva og bielvane hennar. Siden 1970-talet er det vedteke føderale og statlege for å regulera avløp og skipa førebyggingsprogram. Historisk har Dow Chemical Company, med eit anlegg i Midland; General Motors, og byane Bay City og Saginaw bidrege til å sleppa ut dioksin i Saginaw-elva.[10]
23. januar 2010 blei Environmental Protection Agency i USA og Dow Chemical einige om ein administrativ avtale om mellombelse kontrolltiltak, betaling for ein del føderalt arbeid og reinsking av jordsmonn i områda kring Saginawelva, Tittabawassee og Saginaw Bay.[11]
Kjelder[endre | endre wikiteksten]
- ↑ U.S. Geological Survey.
- ↑ Saginaw River Arkivert 2011-05-14 ved Wayback Machine. Great Lakes Commission
- ↑ «Saginaw River Watershed Report | Office of Water | US EPA» (på engelsk). Arkivert frå originalen 3. april 2021. Henta 3. april 2021.
- ↑ 4,0 4,1 "Saginaw County Industry Concentrations", Saginaw Future (Saginaw County economic development), accessed 11 October 2014
- ↑ «River Roar - Everything About Sports And Events». Henta May 20, 2020.
- ↑ Howell, Brandon (July 18, 2010). «Teeming crowds mark Tall Ship Celebration Saturday in Bay City». The Bay City Times. Henta 3 July 2012.
- ↑ «SagAreaFireworks home». Henta May 20, 2020.
- ↑ Gibbons, Lauren (26. juni 2012). «2012 Bay City Fireworks Festival schedule promises largest display in state for 50th anniversary». The Bay City Times. Henta 3. juli 2012.
- ↑ «Saginaw Bay WIN». Henta May 20, 2020.
- ↑ «EGLE - Tittabawassee River - Saginaw River - Saginaw Bay Cleanup». Henta 20. mai 2020.
- ↑ Dow Chemical Co, Administrative Settlement Agreement and Order on Consent for Removal Action, Cleanup for Dow Chemical, EPA Region 5, accessed 11 October 2014
- Denne artikkelen bygger på «Saginaw River» frå Wikipedia på engelsk, den 5. desember 2023.
