Tusenårsstaden Gulatinget
Tusenårsstaden Gulatinget ligg på Flolid gard i Gulen kommune i Vestland fylke. Dette var Gulen og Sogn og Fjordane sin Tusenårsstad i 2005
Tingstaden
[endre | endre wikiteksten]Kvar sjølve tingstaden for Gulatinget har vore, er heilt sikkert. Den har vore på Guløy/Flolid gard.
Monumentet
[endre | endre wikiteksten]Her er det reist eit monument over tingstaden laga av bilethoggar Bård Breivik. Det består av «Tingveggen», «Tinghella» og «Eldsirkelen», og staden vart høgtideleg opna 27. august 2005 av stortingspresident Jørgen Kosmo, og med mellom andre statsminister Kjell Magne Bondevik til stades. Gulatinget var eit høgtideleg samlingspunkt i si tid. Kunstverket er tenkt å markere ein historisk stad, men det skal også vere ein identitetsskapar for staden og naturen.[1]
Tingveggen
[endre | endre wikiteksten]Tingveggen skal vere eit symbol på ein historisk møteplass og har eit mektig monumentpreg. Han er laga av 22 steinar som er reiste på høgkant. Kunstverket skal markere ein historisk stad og har likskap med andre monument i naturen for eksempel Stonehenge. Den monumentale utforminga gjer at kunstverket vert eit symbol for tradisjon, makt og historia til staden. Kunstverket er plassert ute i naturen, og tanken er at det skal setjast i samanheng med landskapet, naturen og staden. Staden sine historiske røter skal vere ein del av sjølve kunstopplevinga, men også naturen er teken med i utforminga av Tingveggen. Dette viser seg i materialet, stein som finst i knausane og i landskapet i Gulen.[2]
Monumentet skal også ha ein praktisk funksjon som scene og bakgrunn for framsyningar og musikk. Det er også laga eit amfi i tilknyting til Tingveggen som gjer at monumentet er i dialog med sine omgivnader i staden for å stå som eit framandt element i naturen.[3]
Referansar
[endre | endre wikiteksten]- ↑ Morland, Eirik Stanghelle: «Tingveggen på Gulatinget» i Kjelda nr 2, 2010 side 28
- ↑ Morland, Eirik Stanghelle: «Tingveggen på Gulatinget» i Kjelda nr 2, 2010 side 27
- ↑ Morland, Eirik Stanghelle: «Tingveggen på Gulatinget» i Kjelda nr 2, 2010 side 28
Litteratur
[endre | endre wikiteksten]- Morland, Eirik Stanghelle: «Tingveggen på Gulatinget» i Kjelda nr 2, 2010 utgitt av Fylkesarkivet i Sogn og Fjordane side 27-28
Bakgrunnsstoff
[endre | endre wikiteksten]- Heimesida til Tusenårsstaden
- Omtale av opninga Arkivert 2006-02-10 ved Wayback Machine.
- Bilde av tusenårsstaden og frå opninga Arkivert 2006-02-10 ved Wayback Machine.
- Gulatinget i Fylkesleksikonet til NRK Sogn og Fjordane
- Gulatinget - Tusenårsstad for Sogn og Fjordane fylke og Gulen kommune, levert av Stiftinga Jensbua og Flora Turistkontor Arkivert 2010-01-19 ved Wayback Machine.
- Soga om Håkon Håkonsson