Tverrsnittstudie
Ein tverrsnittstudie er den enklaste forma for kvantitative studiar, og inneber at ein observerer eit tal observasjonseiningar på eitt og berre eitt tidspunkt.[1] Føremålet kan vera å stadfesta utbreiinga av eit fenomen eller undersøkja mistenkte årsaksfaktorar.[2] Om ein ynskjer å undersøkja ei generell utbreiing av eit fenomen kan ein gjera eit tilfeldig utval blant heile populasjonen. Ein nyttar så regresjonsanalyse for å undersøkja statistiske samanhengar med andre variablar innan dette utvalet.
Ulemper[endre | endre wikiteksten]
Veikskapen med tversnittsstudiar er at dei ikkje kan seia noko om årsaks-verknadshøve, altså kva veg årsaksrelasjonane eventuelt går, eller om dei ligg nært/fjernt kvarandre i tid.[2] Vidare vil det alltid vera vanskeleg å avdekkja bakanforliggande variablar som kan skapa ein spuriøs samanheng.[3]
Kjelder[endre | endre wikiteksten]
- ↑ Skog, Ole-Jørgen : Å forklare sosiale fenomener - en regresjonsbasert tilnærming, Gylendal Akademiske 2004, s. 71
- ↑ 2,0 2,1 «tverrsnittsstudie – Store norske leksikon». Store norske leksikon (på norsk).
- ↑ Skog, Ole-Jørgen : Å forklare sosiale fenomener - en regresjonsbasert tilnærming, Gylendal Akademiske 2004, s. 74
- Denne artikkelen bygger på «Tverrsnittstudie» frå Wikipedia på bokmål, den 7. september 2023.