Waltzing Matilda
| Waltzing Matilda Song | ||
 | ||
| Sjanger | Bush ballad | |
| Komponist | Christina Macpherson | |
| Tekstforfattar | Banjo Paterson | |
«Waltzing Matilda» er ein kjend australsk song, skriven av den australske «bush»-poeten og journalisten Banjo Paterson til ein melodi av Christina Macpherson.
Visa handlar om ein omvandrande lausarbeidar, ein swagman. Dette var folk som gjekk frå gard til gard for å skaffe seg arbeide. Sekken eller pakninga som slike lausarbeidarar gjekk med på ryggen, vart kalla Matilda. I visa sit lausarbeidaren i skuggen under eit tre ved ein billabong (kroksjø) og kokar seg vatn, då ein sau kjem ned til vatnet for å drikke. Han tek sauen og stapper han i sekken, men vert oppdaga av bonden og tre politimenn som kjem til.[1] For ikkje å verte arrestert for tjuveriet, som kunne føre til dødsstraff ved henging, druknar han seg i vatnet, og går deretter att på staden som eit spøkje som syng: «Who'll come a-Waltzing Matilda, with me?».
Songen blei ekstremt populær i Australia, særleg i militæret. Då Australia stemde over nasjonalsong i 1977 fekk han 28 % av stemmene, men «Advance Australia Fair» vann med 43 %. «Waltzing Matilda» er blitt verande ein uoffisiell nasjonalsong.[1]
Kjelder
[endre | endre wikiteksten]- 1 2 Wilde, William H.; Joy Hooton; Barry Andrews (2005). ‘Waltzing Matilda’. The Oxford Companion to Australian Literature (Oxford University Press).
- Denne artikkelen bygger på «Waltzing Matilda» frå Wikipedia på bokmål, den 1. november 2018.
