Wilhelm Peterson-Berger

	Wilhelm Peterson-Berger
	;
Statsborgarskap	Sverige
Fødd	27. februar 1867; Kramfors kommun
Død	3. desember 1942 (75 år); Östersund
Yrke	komponist, musikkforskar, musikkritikar
Nettstad	https://www.peterson-berger.se
	Wilhelm Peterson-Berger på Commons

Olof Wilhelm Peterson-Berger, (27. februar 1867–3. desember 1942) var ein svensk komponist og musikkskribent frå Ullånger i Ångermanland.

Peterson-Berger er kanskje mest kjend for ei rekkje omtykte pianostykke i nasjonalromantisk stil (samlinga «Frösöblomster», med dei ofte spela «Vid Frösö kyrka» og «Sommarsång»). Han var framfor alt påverka av Edvard Grieg og Richard Wagner. Han komponerte fem symfoniar, mellom anna «Sunnanfärd» (nr 2) och «Same Ätnam» (nr 3). Peterson-Bergers fiolinkonsert er sett på som det beste av orkesterverka hans. Det har ofte vore sagt at han hadde sine manglar på dette området, men på den andre sida var han original og ukonvensjonell. Han var også operakomponist, mest kjend for Ran (1903) og Arnljot (1910), «den svenske nasjonaloperaen». Den sistnemnde vert enno i dag framført som taledrama med musikkinnslag på Arnljotlägden nær Peterson-Bergers heim Sommarhagen på Frösön i Jämtland. Ein kortare periode var han verksam som operaregissør. Han tonesette mange dikt av nordiske forfattarar, m.a. Erik Axel Karlfeldt (t.d. «Aspåkerspolska»). Peterson-Berger var òg ein skarp og omstridd musikkritikar i Dagens Nyheter i åra 1896-1930.

Bakgrunnsstoff

Wilhelm Peterson-Berger

Statsborgarskap	Sverige
Fødd	27. februar 1867 Kramfors kommun
Død	3. desember 1942 (75 år) Östersund
Yrke	komponist, musikkforskar, musikkritikar
Nettstad	https://www.peterson-berger.se
Wilhelm Peterson-Berger på Commons