İzmit

İzmit
by
Land	Tyrkia
Region	Marmararegionen
Provins	Kocaeli
Høgd	100 moh.
Koordinatar	40°46′N 29°55′E
Areal	3 524 km²
Folketal	300 611
Folketettleik	85 / km²
Borgarmeister	İbrahim Karaosmanoğlu
Tidssone	EET (UTC+2)
- Sommartid	EEST (UTC+3)
Postnummer	41xxx
Retningsnummer	(+90) 262
Bilnummer	41
İzmit 40.7718818°N 29.9497846°E / 40.7718818; 29.9497846
Kart som viser İzmit. Kart som viser İzmit.
Wikimedia Commons: İzmit
Nettstad: Kocaeli Metropolitan Municipality

Izmit (tidlegare Nikomedeia) er ein by i Tyrkia og det administrative senteret i provinsen Kocaeli, samt kommunen Kocaeli. Han ligg ved Izmitbukta i Marmarahavet, kring 100 km aust for Istanbul. Byen har kring 300 000 innbyggjarar, med 1,4 millionar innbyggjarar i storbyområdet. Han har ei historie som går attende til 300 fvt.

Næringslivet består for det meste av kjemisk industri.

Byen ligg langs Europaveg 80. Det går òg ein jernbane gjennom byen frå Istanbul til Ankara.

Historie

I antikken låg Nikomedeia, grunnlagd 264 fvt. av Nikomedes I av Bithynia her og var ein av dei viktigaste byane i Vesleasia. Diokletian gjorde den til hovudstad i den austlege rikshalvdelen. Konstantin residerte òg i byen. Sidan har byen vorte mindre viktig. Her finst historiske minnesmerke som omfattar restane av bymurane og ei austromersk festning, samt ein moské frå 1500-talet bygd av den kjente arkitekten Sinan.

Byen fekk store skadar i samband med eit jordskjelv den 17. august 1999, der kring 19 000 menneske omkom.

Klima

İzmit har eit fuktig subtropisk klima (Köppen si klimaklassifisering Cfa), med innslag av maritimt og kontinental klima. Somrane er varme og særs fuktige, og den gjennomsnittlege maksimumstemperaturen er kring 29 °C i juli og august, sjølv om temperaturane vanlegvis går over 30 °C i juni, juli, august og september. Vintrane er kjølige og fuktige, og den lågaste gjennomsnittlege minimumstemperaturen er kring 3 °C i januar. Nedbørmengda er høg og jamt fordelt over året, men minst på sommaren. Det er forholdsvis vanleg med snø frå desember til mars.

Vêrdata for İzmit
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Gjennomsnittleg maks °C	9,6	10,5	13,2	18,4	23,1	27,5	29,4	29,3	25,8	20,6	15,7	11,4	19,5
Døgnmiddeltemperatur °C	6,2	6,5	8,6	13	17,4	21,8	23,8	23,6	20,1	15,9	11,5	8,2	14,7
Gjennomsnittleg min °C	3,4	3,4	5	8,8	12,8	16,9	19,2	19,4	16	12,5	8,3	5,4	10,9
Gjennomsnittleg nedbør mm	91,3	74,9	72	55,3	45,9	50,4	39,2	54,2	50,6	94,5	87,2	107,8	823,3
Gns. solskinstimar i månaden	71,3	78,4	124	162	223,2	267	282,1	266,6	207	142,6	102	74,4	2 000,6
Kjelde: Devlet Meteoroloji İşleri Genel Müdürlüğü

Kjelder

• Denne artikkelen bygger på «İzmit» frå Wikipedia på engelsk, og «İzmit» frå Wikipedia på bokmål den 22. august 2012.
  • Wikipedia på engelsk oppgav desse kjeldene:
• «İzmit». Store norske leksikon. 17.10.2011.