Åsa Linderborg
| Åsa Linderborg | |||
 | |||
| Fødd | Åsa Natacha Andersson 20. mai 1968 Västerås | ||
|---|---|---|---|
| Nasjonalitet | Sverige | ||
| Yrke | historikar, skribent, journalist | ||
| Alma mater | Uppsala universitet | ||
Åsa Natacha Linderborg (fødd 20. mai 1968 i Västerås som Andersson) er ein svensk historikar, forfattar, kulturskribent og kulturredaktør.
Biografi[endre | endre wikiteksten]
Linderborg er oppvaksen i Västerås som dotter av metallarbeid Leif Boris Andersson og Tanja Linderborg. Mora var riksdagsrepresentant for Vänsterpartiet gjennom fleire periodar. Då Åsa var fire år gammal, i 1972, vart ho overlaten til faren sin.
Ho vart med i Vänsterpartiet Kommunisterna som tolvåring i 1980 og året etterpå i Kommunistisk Ungdom. I 1987 vart ho ombodsmann for Kommunistisk Ungdom i Mälardalen. Linderborg har i det siste òg hatt lokale tillitsoppdrag for Vänsterpartiet i Uppsala kommune.
Linderborg tok filosofisk doktorgradeksamen ved historisk institutt ved Uppsala universitet i 2001 med avhandlinga: Socialdemokraterna skriver historia: Historieskrivning som ideologisk maktressurs, om dei svenske sosialdemokratane si historieskrivning.
Linderborg var ein sterk kritikar av invasjonen av Irak i 2003 og av at av koalisjonsstyrkane vart ståande i landet. Ho har halde fram med å uttrykkja støtte for dei irakiske opprørarane, som ho vurderer som ei legal motstandsrørsle.
10. juli 2007 var ho sommarpratar i Sveriges Radio P1.
I 2007 kom Linderborgs første skjønnlitterære bok, ei sjølvbiografisk barndomsskildring, ut: Mig äger ingen (Norsk tittel: Meg eier ingen). Boka, som krinsar rundt oppveksten til Lindeborg i Västerås med ein alkoholisert far, fekk stor merksemd og vart nominert til Augustpriset. Det förste året selde boka i 270.000 eksemplar, og ho vart filmatisert i 2013.[1]
Linderborg vart i 2009 kulturredaktør i avisa Aftonbladet.
I 2020 gav Linderborg ut boka Året med 13 månader. En dagbok, som er ei dagbok der ho både skriv om privatlivet sitt og reflekterer over #metoo-bølgja, som ho vurderte frå posisjonen sin som kulturredaktør i Aftonbladet. Ho uttrykkjer kritikk mot #metoo-rørsla, som ho meiner var prega av eit flokkinstinkt der presseetikk og redaksjonell leiing forsvann.[2]
Linderborg er med i radioprogrammet Norsken, svensken og dansken, som vert sendt i Noreg, Sverige og Danmark.[3]
Prisar og utmerkingar[endre | endre wikiteksten]
- Hedenvind-plaketten 2009
- Ivar Lo-Johanssons personliga pris 2008
- Neshornet, Klassekampens kulturpris 2008
- Lundequistska bokhandelns litteraturpris 2007 for Mig äger ingen
- BMF-plaketten 2007
- ABF:s litteraturpris 2007
Bibliografi[endre | endre wikiteksten]
- Svenske utgjevingar
- Socialdemokraterna skriver historia – historieskrivning som ideologisk maktresurs 1892–2000, Atlas, Stockholm 2001, ISBN 91-89044-78-9
- Bilden av Sveriges historia – fyrtio sätt att se på 1900-talet (tillsammans med Marika Hedin och Torbjörn Nilsson), Wahlström & Widstrand, Stockholm 2005, ISBN 91-46-21155-1
- Det är rätt att göra motstånd – kriget och terrorn från Bush till Bodström (tillsammans med Erik Wijk), Karneval, Stockholm 2006, ISBN 91-976031-5-5
- Mig äger ingen, Stockholm : Atlas, 2007, ISBN 978-91-7389-226-1
- Håll med eller håll käft – Artiklar i samförståndets tid', Atlas, 2008, ISBN 9789173893459
- Populistiska manifestet – för knegare, arbetslösa, tandlösa och 90 procent av alla andra, Natur & kultur 2018 (tillsammans med Göran Greider), ISBN 978-91-27-15351-6
- Året med 13 månader – En dagbok Arkivert 2020-06-24 ved Wayback Machine., Polaris 2020, ISBN 9789177953678
- Norske utgåver
- Meg eier ingen, Gyldendal 2008
- Året med 13 måneder, Gyldendal 2020 ISBN 9788205540675
Referansar[endre | endre wikiteksten]
- ↑ «Mig äger ingen». imdb.com. Henta 14. januar 2014.
- ↑ «Ubarmhjertig fra innsiden av en mediekrise - Bokanmeldelse: Åsa Linderborg: «Året med 13 måneder. En dagbok»». 21. august 2020. Henta 13. februar 2021.
- ↑ Framnes, Andreas (2. mars 2020). «Skandinavisk samarbeid: Premiere på Norsken, svensken og dansken i NRK P2» (på norsk bokmål). Henta 13. februar 2021.
- Denne artikkelen bygger på «Åsa Linderborg» frå Wikipedia på bokmål, den 28. november 2021.