Świętochłowice

Świętochłowice
Horisonten til Świętochłowice
Flagg Byvåpen
Land Voivodskap	Polen Schlesiske (Śląskie)
Flatevidd	13,31 km²
Innbyggjarar  • By (31. mars 2021; 2023)	46 494, 45 644
Høgd	314 m
Tidssone  • Ved sommartid	UTC+01:00, UTC+2 (UTC) UTC+2 (UTC)
Nettstad: https://www.swietochlowice.pl/
Nettstad: www.swietochlowice.pl

Świętochłowice Høyr, tysk Schwientochlowitz, er ein by som ligg sør i Polen. Byen har 50 600 innbyggjarar (2016), og han har den største folketettleiken i landet med om lag 4 200 innbyggjarar per km². Świętochłowice ligg ved elva Rawa i Schlesiske voivodskap.

Kart over Swietochlowice frå 1817.

Historie

Świętochłowice er nemnd første gongen i 1313. Byen fekk Magdeburg-rettar i løpet av overgangen mellom 1200- og 1300-talet. Staden var ganske ubetydeleg fram til industrialiseringa i Øvre Schlesien tok til på slutten av 1700-talet. I 1920 avstod Tyskland byen til Polen, sjølv om den lokale folkeavstemminga hadde gjeve eit fleirtal på 51,9 % for å bli verande i Tyskland. I 1939 blei byen reannektert av Tyskland og i 1945 igjen av Polen.

Under andre verdskrigen dreiv tyskarane konsentrasjonsleiren KZ Eintrachthütte i Świętochłowice. I 1945 blei han omgjort til arbeidsleiren Zgoda for tyske sivile og polske antikommunistar. Leiren stengde i 1945.

I 2004 opna Det schlesiske kultursenteret (Centrum Kultury Śląskiej) i byen.

Bydelar

• Centrum
• Zgoda
• Chropaczów
• Lipiny
• Piaśniki

Galleri

• 
  Frå stålverket i Świętochłowice.
• 
  Arbeidarhus frå 1800-talet.
• 
  Det schlesiske kultursenteret.

Kjelder

• Denne artikkelen bygger på «Świętochłowice» frå Wikipedia på bokmål, og «Świętochłowice» frå Wikipedia på engelsk den 11. september 2010.