Aalen

Aalen
	Horisonten til Aalen
Byvåpen	Plassering
Styresmakter
Land ; Delstat ; Regierungsbezirk‎ ; Landkreis	Tyskland ; Baden-Württemberg ; Stuttgart ; Ostalbkreis
Grunnlagd	Sannsynlegvis på 1200-talet
Ordførar	Thilo Rentschler (SPD)
Geografi
Flatevidd; - By	; 146,63 km²
Innbyggjarar ; - By (2012); - folketettleik	; 66 590 ; 454/km²
Koordinatar	48°50′0″N 10°6′0″EKoordinatar: 48°50′0″N 10°6′0″E
Høgd over havet	430 m
Tidssone ; - Ved sommartid	CET (UTC+1) ; CEST (UTC+2)
Diverse annan informasjon
Postnummer	73430-73434
Telefon-retningsnummer	07361, 07366, 07367
Bilnummer	AA
	Heimeside: www.aalen.de

Aalen er ein by i Tyskland sør i delstaten Baden-Württemberg med om lag 66 000 innbyggjarar. Byen er sete for landkreisen Ostalbkreis.

Geografi[endre | endre wikiteksten]

Aalen ligg ved elva Kocher, ved foten av Schwabisk Alb, som ligg sør og søraust for byen. I nord ligg åslandskapet Ellwanger Berge. Aalen er om lag 70 km aust for Stuttgart og 48 km nord for Ulm.

Historie[endre | endre wikiteksten]

Omkring 150-160 e.kr. låg det ein liten romersk festning her. Denne posisjonen var strategisk viktig på denne tida, sidan han låg i nærleiken av limes (grensa til Romarriket). Sjølve byen dukka først opp tusen år seinare, sannsynlegvis på 1200-talet. Han vart først nemnd i skriftlege kjelder på 1300-talet, då han var under grevane av Oettingen. Aalen var ein keisarby frå 1360 til 1802, då han vart annektert av Württemberg. Ein alvorleg bybrann råka byen i 1634. Han vart så sete for ein Oberamt, som landkreisen Aalen oppstod frå i 1938. I 1973 vart han slått saman med landkreisen Schwäbisch Gmünd til det nye Ostalbkreis. I 1975 vart Wasseralfingen, ein by med ein tredjedel av innbyggjarane i Aalen, slått saman med Aalen.