Ada Haug
| Ada Haug | |
 | |
| Statsborgarskap | Noreg |
| Fødd | 26. august 1934 Stange kommune 
|
| Død |
14. august 2014 (79 år) |
| Yrke | journalist |
| Ektefelle | Odd Grythe
|
| Prisar | Kongens fortenestmedalje |
| Ada Haug på Commons | |
Ada Brita Haug Grythe (fødd 26. august 1934 i Stange[1], daud 14. august 2014)[2] var ein norsk fjernsynsmedarbeidar med ein karriere på 38 år i NRK si barne- og ungdomsavdeling.
Karriere[endre | endre wikiteksten]
Ada Haug Grythe var cand.mag. og pedagog frå Universitetet i Oslo. Frå 1961 var ho tilsett i NRK,[3] der ho særleg arbeidde med program for barn og ungdom. I løpet av 1960-talet var ho programleiar for Tenpluggen og Vi unge, og i 1970 var ho med på å utforma Flimra. Ho var nesteleiar i Barne-og ungdomsavdelinga frå 1974 til 1980, og programredaktør frå 1980 til 1991. Frå 1991 og fram til ho vart pensjonert i 1998 var ho ansvarleg for småbarnsprogramma.[4]
Ho blei tildelt Kongens fortenstmedalje i gull i 1998.[5] Ho blei òg heidra med den franske ordenen Palmes Académiques for arbeidet sitt med å spreia fransk språk og kultur i Noreg.[6]
Ada Haug Grythe var gift med Odd Grythe, som døydde i 1995. Ho var barnebarn til målaren og kunstkritikaren Kristian Haug.
Kjelder[endre | endre wikiteksten]
- ↑ «Ada Haug Grythe 70 år», Stavanger Aftenblad, 26. august 2004, s. 39.
- ↑ «Ada Haug Grythe er død». NRK. 14. august 2014.
- ↑ «Ada Haug Grythe». Store norske leksikon (på norsk). 29. september 2014.
- ↑ «Slutter med dobbelt gull - Ada Haug går av etter 38 år». Dagbladet. 28.12.1998.
- ↑ «Kongens gull til Ada Haug Grythe», Aftenposten, 22. desember 1998, s. 36.
- ↑ «Barn er kresne TV-seere», Bergens Tidende, 25. august 1994, s. 24
- Denne artikkelen bygger på «Ada Haug» frå Wikipedia på bokmål, den 18. april 2019.