Aur prestegard

59°55′34″N 11°27′06″E / 59.926023°N 11.451702°E / 59.926023; 11.451702

Aur prestegard ligg like vest for Aurskog kyrkjegard.

Både kyrkjestaden og prestegarden er frå mellomalderen, men den noverande kyrkja er frå 1881, og den eldste bygningen på prestegarden er frå 1703. Sistnemnde var opphavleg prestebustad, men vart nytta som forpaktarbustad frå 1856, då ny prestebustad vart bygd. På garden står òg eit stabbur i tre etasjar som vart nytta som kornmagasin på 1700-talet. Alle dei tre nemnde bygningane er i dag freda, og det finst òg ein låve og eit grisehus frå 1947. Prestegarden har opp gjennom historia hatt ei rekkje husmannsplassar som vart selde til brukarane i tida 1777–1954.^[1]

Prestegarden vart nytta som prestebustad fram til 1991, då presten fekk ny bustad.^[2] I dag står ei stifting bak drifta av den tidlegare prestegarden, som vert nytta til kulturføremål. Fleire av bygningane har vorte restaurerte på 2000-talet.

Fotnotar

↑ Stiftelsen Aur prestegård
↑ Bygningane er skildra av Stiftelsen Aur prestegård

Kjelder

Aur prestegård (offisiell nettstad)

Bakgrunnsstoff

Aur prestegard i kulturminnesok.no, nettstaden til Riksantikvaren

Commons har multimedium som gjeld: Aur prestegard

[1] Stiftelsen Aur prestegård

[2] Bygningane er skildra av Stiftelsen Aur prestegård

[1]

[2]