Bøttemodellen

Bøttemodellen er den enklaste modellen for å estimere kor mykje vatn som finst i eit jordsmonn. Modellen baserer seg på at ein har ei fast mengd vatn i jordsmonnet som kan utnyttast til evapotranspirasjon.

Bøttemodellen er som følgjer:

${\frac {\partial w_{w}}{\partial t}}=\rho _{w}{\frac {\partial h_{w}}{\partial t}}=P_{r}-E+M_{s}-\Delta f$

der $w_{w}$ er massen av vatnet i jordsmonnet per areal (${\frac {\partial w_{w}}{\partial t}}$ seier berre at dette endrar seg over tid), $h_{w}$ er høgda av vatnet i jordsmonnet ein ser på (eller høgda i bøtta om ein vil) og $\rho _{w}$ er tettleiken til vatnet. Modellen seier at vassnivået i jordsmonnet aukar med tilført nedbør $P_{r}$ og snøsmelting $M_{s}$, og minkar med evapotranspirasjon E og avrenning $\Delta f$.

Ein typisk verdi for $h_{w}$ er 15 cm, og jordsmonnet kan ikkje innehalde meir vatn enn dette. Sidan parametrane til høgre i modellen til saman må vere konstant kan ein t.d. rekne ut avrenninga når nedbørsmengdene og snøsmeltinga er større enn evapotranspirasjonen.