Modell

Framstilling av Kopernikus sin heliosentriske modell av verda.

Ein modell (av latin modulus, 'middel, mål, målestokk, skala') er ei framstilling av noko anna i forenkla eller forminska form. Dette kan vera ein fysisk modell i form av ein gjenstand eller ei teoretisk framstilling. Ein kan ha modellar av bygningar, busetnader, fartøy, folk, organismar og anna. Ein modell kan visa utsjånaden til noko i mindre skala, demonstrera ein verkemåte eller prosess eller brukast til å føreseia kva som kan koma til å skje. Modellar kan brukast som leiketøy, samleobjekt, til framsyning eller forklaring på fleire ulike felt.

Innan biletkunst kan ein modell vera ei mindre, førebels utgåve av eit kunstverk eller noko ein etterliknar for å laga eit kunstverk. Personar kan posera som slike modellar. Modellyrket går elles ut på å visa fram ei vare, særleg klede, for å freista folk til å kjøpa henne.

Galleri

• 
  Modell av solsystemet på ein tysk skule.
• 
  Modellandsbyen Bekonscot i England.
• 
  Anatomisk modell i voks av ei kvinne.
• 
  Bølgjebasseng der ein modellerer effekten av vassbølgjer.

Sjå òg

• Atommodell
• Bøttemodellen innan hydrologi
• Dokke
• Globus
• Miniatyr
• Modellhest
• Modelljernbane
• Modellsnikkar
• Planetarium
• Prototyp
• Skipsmodell som kyrkjeskip
• Standardmodellen i fysikk