Bhaji on the Beach
| Regi | Gurinder Chadha  | ||
|---|---|---|---|
| Manus | Meera Syal | ||
| Medverkande | Kim Vithana, Zohra Sehgal, Shaheen Khan | ||
| Musikk | John Altman | ||
| Distributør | First Look Studios | ||
| Utgjevingsdato | 1993, 5. mai 1994 (Tyskland)[1] | ||
| Lengd | 101 minutt | ||
| Opphavsland | Storbritannia | ||
| Språk | engelsk | ||
| Sjanger | dramakomedie | ||
Bhaji on the Beach er ein britisk komedie- og dramafilm frå 1993 regissert av Gurinder Chadha og skriven av Meera Syal.
Handling
[endre | endre wikiteksten]
Ei gruppe britiske kvinner, dei fleste panjabiar frå ulike religiøse bakgrunnar og generasjonar, dreg til Blackpool for å sjå lysutstillinga Blackpool Illuminations. Spenningane mellom generasjonane, mellom tradisjon og modernisme og dei ulike personlege problema til kvinnene flammar opp i løpet av utflukta.
Simi, leiaren for gruppa, har moderne syn på feminisme som dei eldre kvinnene misliker. Ho greier likevel vera ein omsorgsfull person som held deltakarane samla til trass for motsetningane deira. Ginder er i ferd med å lausriva seg frå ein mishandlande og kriminell ektemann saman med den vesle sonen sin, og må kjempa mot stigmaet med å vera einsleg forelder og mot sonen sine bøner om å få ha både ei mor og ein far igjen. To gutegalne tenåringsjenter møter misnøye hjå dei konservative eldre kvinnene. Hashida er ein lovande elev som snart skal studera medisin, men som ville føretrekka å studera kunst. Ho har skjult den afro-karibiske kjærasten Oliver frå familien i eit år, men no er ho gravid med han, og dei må velja kva dei skal gjera og om forholdet vil klara presset frå sosial mistru. Asha, ein from hindu og Bollywood-fan, lever eit keisamt liv i daglegvarebutikken ho og mannen driv, og finn spaning og ein måte å oppfylla tapte draumar i eit liv med ein sjarmerande, eksentrisk engelsk skodespelar i Blackpool. Samtidig føler ho at ho må bli verande i ekteskapet sitt.
Til slutt har dei fleste historiene open ende. Ein får ikkje sjå kva som hender med Asha eller Oliver og Hashida, og dei siste scenene med desse figurane verker nokså nøgde, men ikkje konklusive. Ginder og sonen flyktar frå den valdelege ektemannen hennar, og dei mest konservative medlemmene i gruppa får ei humoristisk oppleving i ein strippeklubb.
Motaking
[endre | endre wikiteksten]Sight & Sound sa om filmen at han inneheld observasjonar om vanlege fordommar og kva det ville seia å vera ein yngre britisk-asiat.[2] Rotten Tomatoes samla meldingar frå 8 kritikarar som samla gav filmen ein skår på 88 %.[3][4][5][6][7][8]
Roller
[endre | endre wikiteksten]- Zohra Sehgal som Pushpa
- Shaheen Khan som Simi
- Kim Vithana som Ginder
- Jimmi Harkishin som Ranjit
- Sarita Khajuria som Hashida
- Mo Sesay som Oliver
- Rudolph Walker som far til Oliver
- Lalita Ahmed som Asha
- Amer Chadha-Patel som Amrik
- Nisha Nayar som Ladhu
- Renu Kochar som Madhu
- Surendra Kochur som Bina
- Souad Faress som Rekha
- Tanveer Chani som Balbir
Kjelder
[endre | endre wikiteksten]- Denne artikkelen bygger på «Bhaji on the Beach» frå Wikipedia på engelsk, den 13. februar 2020.
- ↑ Lexikon des internationalen Films (på tysk), Zweitausendeins, Wikidata Q1822317
- ↑ Anwar Farrah (February 1994). «Bhaji on the Beach». Sight and Sound 4 (2): 47–8.
- ↑ «Bhaji On the Beach». Rotten Tomatoes. Henta 14. september 2013.
- ↑ «'Bhaji on the Beach'». Washingtonpost.com. Henta 14. september 2013.
- ↑ Sragow, Michael. «Bhaji on the Beach». The New Yorker. Henta 14. september 2013.
- ↑ Liebenson, Donald. «Bhaji On The Beach Movie Review (1994)». Roger Ebert. Henta 14. september 2013.
- ↑ «MOVIE REVIEW : 'Bhaji on the Beach': More Than Sand, Surf : Gurinder Chadha's film is an insightful look at the difficulties of bridging cultures and generations, but it never forgets to have fun. - Los Angeles Times». Articles.latimes.com. Henta 14. september 2013.
- ↑ Maslin, Janet. «Movie Review - Bhaji On the Beach - Review/Film Festival; Cultures (and Sexes) Clashing in England - NYTimes.com». Movies.nytimes.com. Henta 14. september 2013.
Bibliografi
[endre | endre wikiteksten]- Banerjee Bidisha (Autumn–Winter 2009). «Travelling bodies: Gender, Nationalism and Diasporic Identity». Asian Cinema 20 (2).
- Travelling bodies:Gender, Nationalism and Diasporic Identity Banerjee Bidisha Asian Cinema V20 n 2 Autumn–Wintwer 2009
- Cultural difference and exchange: a future for European Film. Eleftheriotis, Dimitris. Screen V41 n 1 Spring 2000.
- Representing the space of diaspora in contemporary cinema. Ciecko, Anne. Cinema JOurnal, v38 n3 Spring 1999
- No title. O'Neill, Eithne, Positif n447 May 1998
- Mendes, AC. «Triangulating Birmingham, Blackpool, Bombay: Gurinder Chadha’s Bhaji on the Beach», Anglo Saxonica, III.1, 325-336.