Calvin Jackson

Calvin Jackson
	Calvin Jackson
Fødd	26. mai 1919
Fødestad	Philadelphia
Død	9. desember 1985 (66 år)
Dødsstad	Encinitas
Opphav	USA
Sjanger	jazz
Instrument	piano
Verka som	pianist, jazzmusikar, filmmusikkomponist

Calvin Jackson (fødd 26. mai 1919 i Philadelphia, daud 9. desember 1985) var ein USA-amerikansk jazz-pianist, komponist og bandleiar.

Jackson spelte piano frå barndommen av og studerte ved Juilliard og New York University. Han arbeidde tidleg i karrieren sin med Frankie Fairfax, og så i Hollywood i 1943-1947 som assisterande musikkdirektør for MGM. I 1947 spelte han inn musikk med Phil Moore og som solopianist for Discovery Records. Han spelte med Mildred Bailey i New York i 1948, og så i Toronto i 1950, der han ofte spelte på fjernsyn og radio. I løpet av 1950- og tidleg i 1960-åra gav han ut fleire album for selskap som Columbia Records.

I 1957 drog han attende til Los Angeles, der han fortsette å arbeide som komponist for film og fjernsyn. Han arrangerte òg musikk for Ray Charles ei stund, mellom anna på «Sweet & Sour Tears» i 1964.

Tidleg i 1980-åra flytta han til San Diego County, der han levde som delvis pensjonist, men gav pianotimar i leilegheita si.