Canon

Canon
Hovudkvarteret til Canon
Selskapsform	Kabushiki kaisha
Skipa	10. august 1937
Dotterselskap	Canon (Netherlands), Canon (United States), Canon (United Kingdom), Canon (Canada), Canon Marketing Japan, Canon Medical Systems Corporation, Canon (France), Canon Norge, Canon Computer Systems
Bransje	elektroindustri, elektronikk
Hovudkontor	Ota, Krefeld
Tilsette	194 151, 196 968, 198 307
Nettstad	http://www.canon.com

Canon EOS 350D, eit av dei digitale spegelreflekskameraa til Canon.

Canon (offisielt japansk namn キヤノン) er eit japansk føretak som spesialiserer seg i produkt i bilde og optikk, blant anna kamera, kopieringsmaskinar og skrivarar. Hovudkontoret ligg i Tokyo.

Firmaet blei grunnlagt i 1933 med namnet 精機光学研究所 (Seiki-kougaku-kenkyuujo eller «Precision Optical Instruments Laboratory») av Yoshida Goro og svigerbroren Uchida Saburo, finansiert av Saburo sin nære venn Takeshi Mitarai. Grunnoppgåva var å utvikle kamera av god kvalitet. I juni 1934 slapp dei det fyrste kameraet sitt, Kwanon, døpt etter Guan Yin, miskunngudinna i buddhismen. Året etter endra dei til ein meir moderne versjon av namnet, Canon.

Canons fyrste kamera var klonar av Leicas «threadmount»-målsøkekamera. Dei fylgde nøye Leica-spesifikasjonane for «threadmount»-objektivet (M39) men la til eigne oppfinningar som ein kombinert søkar/målesøkar med justerbar forstørring. I byrjinga hadde ikkje Canon sin eigen fabrikk til optikk, men brukte objektiv produsert av Nikon. Men snart begynte dei likevel å lage sine eigne objektiv under merket Serenar. Desse er den dag i dag populære blant brukarar av Canon- og Leica-målsøkarkamera.

Canons hovudkonkurrentar er blant andre Nikon, Konica Minolta, Leica, Pentax, Olympus, Sony, Epson, Kodak og Hewlett-Packard.