DNT - Edru Livsstil

Valentin Kielland sin statue av Asbjørn Kloster, grunnleggjaren av Det Norske Totalavholdsselskap, som vart avduka i Stavanger 1912.

DNT - Edru Livsstil, tidlegare Det Norske Totalavholdsselskap (forkorta DNT), er ein norsk organisasjon som arbeider for totalfråhald frå alkohol og rusmiddel, og for fred og menneskeverd. DNT er den eldste fråhaldsorganisasjonen i Norden.

Organisasjonen vedtok på sitt landsmøte i 2015 å endre namn frå Det Norske Totalavholdsselskap til DNT - Edru Livsstil.

Soge

Den første norske avholdsforening vart skipa av kvekaren og læraren Asbjørn Kloster i Stavanger i 1859. I 1875 vart DNT ein landsfemnande organisasjon under namnet han har i dag med Asbjørn Kloster som leiar. Hovudkontoret vart i Oslo og dei starta å gje ut medlemsbladet Menneskevennen.

Det Norske Totalavholdsselskabs Ungdom (DNTU), som vart skipa i 1924, slo seg saman med Noregs Godtemplar Ungdomsforbund (NGU) i 1992 og danna ungdomsorganisasjonen Juvente.

Det Norske Totalavholdsselskaps Barneforbund (DNTB) slo seg i 2009 saman med IOGT Junior, og skipa Junior- og barneorganisasjonen Juba.

Sjå òg

• Juvente

Bakgrunnsstoff

• Offisiell nettstad
  Denne artikkelen er ei spire. Du kan hjelpe Nynorsk Wikipedia gjennom å utvide han.