Dingolfing
| Dingolfing | |||
| by | |||
 | |||
|
|||
| Land |  Tyskland
| ||
|---|---|---|---|
| Stat | Bayern | ||
| Region | Niederbayern | ||
| Landkreis | Dingolfing-Landau | ||
| Høgd | 365 m | ||
| Areal | 44 km² | ||
| Folketal | 20 927 (31. desember 2023) | ||
| Postnummer | 84130 | ||
| Retningsnummer | 08731 | ||
| Bilnummer | DGF | ||
 Dingolfing 48°38′00″N 12°30′00″E / 48.633333333333°N 12.5°E | |||
| Wikimedia Commons: Dingolfing | |||
Dingolfing er ein by i Tyskland i delstaten Bayern med om lag 21 000 innbyggjarar. Han er administrativt sete i landkreisen Dingolfing-Landau.
Geografi
[endre | endre wikiteksten]Dingolfing ligg ved elva Isar, om lag 27 km aust for Landshut, 29 km sør for Straubing og 100 km nordaust for München. Isar deler byen i ein eldre historisk del og ein nyare, meir moderne del.
Den historiske delen av byen er delt i tre: Øvre, midtre og nedre Dingolfing.
Historie
[endre | endre wikiteksten]Området som i dag vert kalla Dingolfing vart først nemnd som Tinguluinga i år 833.
I 1251 gav hertugen av Bayern, Otto II, byrettar til Dingolfing. Dingolfing voks mellom 1315 og 1600. I løpet av denne perioden var hovudnæringane hovudsakleg handel, fiske, lêrarbeid og produksjon av ullklede.
Den austerrikske arvefølgjekrigen førte til store øydeleggingar i byen og epidemiar tynna ut folketalet. Den 16. mai 1743 sette austerrikske troppar byen i brann, og store delar av han vart lagd i oske.
Mellom 1816 og 1817 oppstod det mange økonomiske problem som følgje av aukande prisar og avlingar som feila. Denne perioden vert rekna som lågpunktet i historia til byen.
Det vart bygd jernbane linje frå München til Praha via byen og mange nye vegar på midten av 1800-talet, og dette var eit vendepunktet for byen. På denne tida oppstod det òg mange nye industriar.
I 1905 vart det opna ein ny maskinbutikk som reparerte øydelagd jordbruksutstyr. Etter den andre verdskrigen byrja denne butikken å produsere scooterar og bilar. I 1950-åra starta fabrikken å produsere bilar for selskapet Glas. Bayerische Motoren Werke (BMW), som framleis held til i byen, kjøpte denne fabrikken i 1967.
Kjelder
[endre | endre wikiteksten]- Denne artikkelen bygger på «Dingolfing» frå Wikipedia på engelsk, den 21. juli 2007.
