Dorilla in Tempe
| RV709 Opera av Antonio Vivaldi | |||
 | |||
| Sjanger | Opera | ||
|---|---|---|---|
| Periode | Barokken | ||
| Komponert | 1726 | ||
| Urframføring | 9. november 1726 9. november 1726 | ||
| Typisk lengd | 146:12 | ||
| Tekst av | Antonio Maria Lucchini | ||
Dorilla in Tempe er ein melodramma eroico pastorale i tre akter av Antonio Vivaldi med ein italiensk libretto av Antonio Maria Lucchini. Operaen hadde premiere ved Teatro San Angelo i Venezia den 9. november 1726. Vivaldi skreiv seinare om operaen fleire gonger for forskjellige framsyningar gjennom den siste halvdelen av karrieren sin.
Historie
[endre | endre wikiteksten]Dorilla in Tempe vart godt teke imot under premieren og vart ein av dei personlege favorittane til Vivaldi. Operaen vart det første verket til Vivaldi med mezzosopran Anna Girò i ei av rollene. Ho hadde eit livslangt vennskap og profesjonelt partnarskap med Vivaldi. Operaen vart òg kjend for dei visuelle aspekta, og hadde dei mest utførlege kulissene (av Antonio Mauro) i operahistoria fram til då. Han var òg kjend for den vakre koreografien til Giovanni Galletto.
I 1728 vart operaen spelt på ny på det vesle Teatro San Margherita i Venezia, med nesten identisk tekst, og igjen i Praha ved Sporck teater våre 1732, denne gongen med store endringar i librettoen. Under karnevalet i 1734 vart operaen igjen spelt ved Teatro San Angelo, denne gongen som ein pastisj med nyare musikk frå andre komponistar, mellom andre Hasse, Giacomelli og Leo.
Musikk
[endre | endre wikiteksten]Det einaste partituret ein har frå Dorilla in Tempe, som ligg i Torino, er frå pastisj-framføringa i 1734. Heldigvis inneheld ikkje berre partituret dei mange tillegga , men òg mykje av det som vart teken bort frå dei tidlegare produksjonane. Noko som er uvanleg for operapartitura til Vivaldi er at sinfoniaen er tydeleg knytt til hovudoperaen. Han følgjer tittelsida i staden for å kome før denne, og musikken i siste satsen - ein C-dur-utgåve av opninga av Våren– dukkar opp i opningsrefenget på operaen.
Roller
[endre | endre wikiteksten]| Rolle | Røyst | Premierebesetning 9. november 1726 |
|---|---|---|
| Dorilla, dottera til Admeto | mezzosopran | Angela Capuano |
| Admeto, Kongen av Thessaly | bass | Lorenzo Moretti |
| Nomio/Apollo, guden Apollo utkledd som gjetar | kontraalt (opphavleg kastratsongar) | Filippo Finazzi |
| Elmiro | sopran (bukserolle) | Maria Maddalena Pieri |
| Eudamia | mezzosopran | Anna Giro |
Kjelder
[endre | endre wikiteksten]- Denne artikkelen bygger på «Dorilla in Tempe» frå Wikipedia på engelsk, den 20. juli 2010.
- Wikipedia på engelsk oppgav desse kjeldene:
- Eric Cross: "Dorilla in Tempe", Grove Music Online ed. L. Macy, (subscription access)