Dravidiske språk

Frå Wikipedia – det frie oppslagsverket
Gå til: navigering, søk
Utbreiingskart over dei dravidiske språka.

Den dravidiske språkfamilien inkluderer om lag 26 språk som blir brukt av meir enn 200 millionar menneske. Dravidiske språk finst hovudsakleg i sør-India og Sri Lanka, men ein finn også nokre i sentrale og austlege delar av India, Pakistan og Nepal.

Den dravidiske språkfamilien har ikkje klart slektskap med andre språkfamiliar. Mange kjennemerke minner ein om uralske og altaiske språk. Nokre lingvistar har prøvd å visa at dei har noko slektskap, men dei fleste meiner berre at dei hadde kontakt med kvarandre ein gong. Folk har også prøvd utan suksess å visa slektskap med japansk, baskisk, koreansk, sumerisk, australske aboriginarspråk og språket til den gamle indussivilisasjonen.

Dei største moderne dravidiske språka er tamil, telugu, kannada og malayalam. Brahui, brukt i Pakistan, er det einaste dravidiske språket som berre er brukt utanfor India.