Felehovud
Felehovud er nemninga på dei unge skota til bregnar som kan brukast til mat.[1] Skota ligg samankrølla i ei spiralform som kan minna om hovudet på ei fele.[2]
Felehovud frå ulike bregnetypar blir brukt til mat, men nokre av dei inneheld ein del giftstoff. Desse må i det minste gjennom varmebehandling før dei kan etast, eller ein lèt dei vera.[2]
Bregnetypar
[endre | endre wikiteksten]Strutseveng (Matteuccia struthiopteris) er rekna som ein trygg bregnevariant å eta felehovud frå, og har vore brukt til mat i Nord-Amerika, Japan og Europa.[1][2] Ein kan også bruka bregnetypar som geittelg (Dryopteris dilatata)[3] og skogburkne (Athyrium filix-femina).[3]
Felehovud av einstape (Pteridium aquilinum) har vore brukt til mat i Japan, Europa[4] og Nord-Amerika, men denne planten inneheld ein del giftstoff - tiaminase, eit enzym som kan gje B-vitaminmangel, prunasin, eit cyanidproduserande glykosid, og ptaquilosid, som kan vera kreftframkallande.[5] Mange unngår derfor å eta dette bregneslaget i dag, eller et berre små mengder.[3]
Tilreiing
[endre | endre wikiteksten]Ein plukker rundt fem cm av den samanrulla stengelen tidleg om våren.[1][3] Eventuelle skjel blir fjerna og grønsaken kan så dampast, kokast, steikast eller sauterast. Grønsaken kan også brukast i supper, sausar, gryterettar og på pizza.[3]
Felehovuda held seg ikkje lenge ferske,[6] men dei kan forvellast og deretter frysast.[1]
Kjelder
[endre | endre wikiteksten]- 1 2 3 4 «Strutseving» (PDF). Norges sopp- og nyttevekstforbund.
- 1 2 3 Lindsay-Jean Hard (10. mai 2013). «Fiddlehead Fern: A Controversial Coil». Food52.
- 1 2 3 4 5 Tkaczyk, Filip A. (2009). «Fiddlehead Ferns: Springtime Edible Treats». Alderleaf Wilderness College.
- ↑ «Einstape (Pteridium aquilinum)». urnatur. Henta 30. mars 2018.
{{cite web}}: Cite has empty unknown parameter:|1=(hjelp) - ↑ «EINSTAPE». Urtekildens planteleksikon. 29.04.2017.
{{cite web}}: Check date values in:|dato=(hjelp) - ↑ Molly Watson (15.10.2017). «All About Fiddlehead Ferns». the spruce.
{{cite web}}: Check date values in:|dato=(hjelp)