Ferdinand Bie
| Ferdinand Bie | |
 | |
| Statsborgarskap | Noreg |
| Fødd | 16. februar 1888 Drammen kommune |
| Død |
9. november 1961 (73 år) |
| Yrke | friidrettsutøvar |
| Språk | norsk |
| Høgd | 174 centimeter |
| Mor | Ottilie Bie |
Ferdinand Reinhardt Bie (16. februar 1888–9. november 1961) var ein norsk friidrettsutøvar som tok OL-gull i femkamp under sommarleikane i Stockholm i 1912. Med dette vart han den første nordmannen som vann olympisk gullmedalje innan friidrett.
Øvingane var: (Bie sine resultat i parentes):
- lengde (6,85)
- spyd (46,45)
- 200 m (23,5)
- diskos (31,79)
- 1.500 m (5,07.8)
Gullmedaljen vart tildelt Ferdinand Bie først året etter OL, då amerikanaren Jim Thorpe vart diskvalifisert på grunn av dei dåverande proffbestemmelsane. I 1982 vart denne diskvalifikasjonen gjort om. Samtidig bestemte IOC at Ferdinand Bie framleis skulle stå oppført som olympisk meister i femkamp på lik linje med Thorpe.
Bie vart noregsmeister i lengde og på 110 m hekk under Noregsmeisterskapen i 1910 og fekk Kongepokalen dette året.
I 1911 vart han noregsmeister i tikamp. Han vann lengdekonkurransen i NM igjen i 1917.
Bie representerte Drammens Turnforening, seinare Kristiania Idrætsforening og Studenterne.
Bakgrunnsstoff
[endre | endre wikiteksten]- Matti Goksøyr. «Ferdinand Bie». Norsk biografisk leksikon. Henta 30. januar 2017.
- «Ferdinand Bie» (på engelsk). Sports-Reference. Arkivert frå originalen 2. desember 2016. Henta 30. januar 2017.
- «Jim Thorpe /The ultimate athlete» (på engelsk). Olympic.org. Henta 30. januar 2017.