Forskingsdagane
Forskingsdagane er ein nasjonal, årleg festival i regi av Noregs forskingsråd.
Mottoet for festivalen er å skape begeistring og forståing for forsking. Under festivalen blir forsking i praksis demonstrert for ulike målgrupper. Festivalen blir halde kvart år i veke 38 og 39. 2012 er attande året på rad festivalen går av stabelen. I 2012 varar den frå 19. til 30. september. Dei aller fleste arrangementa er gratis og opne for alle.
Bidragsytarane er universitet, høgskolar, forskingsinstitutt, biblioteke, museum og næringsliv som ønskjer å formidle til eit breitt publikum. Det er registrert om lag 200 arrangørar totalt. Det nasjonale sekretariatet for festivalen er ein del av Kommunikasjonsavdelinga i Noregs forskingråd og legg tilrette, koordinerer og lagar blest rundt arrangementa ved alle einskildinstitutsjonane. I tillegg står sekretariatet for ein del nasjonale arrangement som f.eks. opningsarrangement og nasjonal finale i Forskar grand prix. Sekretariatet hadde i 2012 2,5 årsverk.
Årlege tema og slagord[endre | endre wikiteksten]
Forskingsdagane er til for alle fag og alle forskingsfelt, men har sidan 2003 fokusert ekstra på eit overordnet tema kvart år. Tema blir bestemt av Forskingsrådets leiarmøte:[1]
- 2003 – Helse: Kunsten å overleve
- 2004 – Innovasjon og nyskaping: På sporet av framtida
- 2005 – Fysikk og design: Umoglege moglegheiter
- 2006 – Etikk: Med viten og vilje
- 2007 – Polaråret: Tampen brenn
- 2008 – Miljøvennlig energi: Gjennom ild og vatn
- 2009 – Berekraft og evolusjon: Kunsten å overleve
- 2010 – Forskingas verktøy: Vegen til viten
- 2011 – Kjemi: Magisk og logisk
- 2012 – Samfunn: Den menneskelege faktor
- 2013 – Hav og vann: Eit hav av hemmelegheiter
- 2014 – Kommunikasjon: Rom for store tankar
- 2015 – Mat Svolten?
- 2016 – Grenser Utan grenser
- 2017 – Verdiar: Kva gjer noko verdfullt?
- 2018 – Oppvekst: Verdas største eksperiment: Å vekse opp med internett
- 2019 – Miljø: Kva gjer forskarane og kva kan vi gjere?
- 2020 – Hjernen
Kjelder[endre | endre wikiteksten]
- ↑ «Hjernen er tema for Forskningsdagene». Forskningsdagene.no (på norsk). Arkivert frå originalen 5. desember 2021. Henta 9. september 2020.
- «Forskningsdagene», Forskningsdagene.no (på norsk), henta 9. september 2020