Forth

Forth
elv
Forth svingar seg over det frodige jordbrukslandet nær Stirling
Land	Skottland
Region	Stirling
By	Stirling
Lengd	47 km
Kjelde	Loch Ard (Loch Chon)
•  høgd	33 moh.
- koordinatar	56.1833333°N 4.4666667°W / 56.1833333; -4.4666667
Forth 56.0648°N 3.7281°W / 56.0648; -3.7281
Løpet til Forth Løpet til Forth
Wikimedia Commons: River Forth

Forth (skotsk gælisk Uisge For eller Abhainn Dhubh, 'svart elv') er den største elva aust i Central Belt i Skottland. Ho er 47 km lang og munnar ut i estuaret Firth of Forth i Nordsjøen.

Elva har utspring i Loch Ard i Trossachs, ei fjellkjede vest for Stirling. Ho renn austover gjennom Aberfoyle og møter så elvane Duchray Water og Kelty Water. Deretter renn elva gjennom myrlandskapet Flanders Moss før elvane Teith og Allan renn inn i henne.

Forth går gjennom Stirling, der ho blir breiare. Frå Stirling har ho tidvatn. Ho renn så mot aust over Carse of Stirling og forbi byane Alloa og Airth. Ved Kincardine blir elva endå breiare og går over i Firth of Forth.

Elvetrafikk

Elva er farbar for båtar opp til Stirling, og blir i dag hovudsakleg brukt av fritidsbåtar. Forth & Clyde Canal set elva i samband med Firth of Clyde på vestsida av Skottland.

I mellomalderen var det mykje handelstrafikk på elva til Stirling, tidvis truleg også lenger, men mudder og auka storleik på fartøy gjer at det nå er lite slik trafikk over Kincardine.

Bruer

Over Stirling er elva smal og har ei rekkje bruer. Tidlegare kunne elvebreidden vera farleg, men moderne drenering av myrene har gjort brukonstruksjon uproblematisk. Det finst og vadestader over elva.

I Stirling har det vore bru over Forth minst sidan 1200-talet. Fram til opninga av ei bru ved Kincardine i 1936 var dette den astlegaste vegbrua over elva. Lenger nede i elva, ved Queensferry, blei den svingbare jernbanebrua Forth Bridge i 1890. Hengebrua Forth Road Bridge over sjølve Firth of Forth, for bilar, fotgjengarar og syklistar, opna i 1964. Clackmannanshire Bridge blei opna som ei avlastingsbru i 2008.

Kjelder

• Denne artikkelen bygger på «River Forth» frå Wikipedia på engelsk, og «Forth» frå Wikipedia på bokmål den 4. januar 2011.

• River Forth ved waterscape.com
• The River Forth Arkivert 2010-06-28 ved Wayback Machine. stirling.gov.uk