Gemeinsame Normdatei

Frå Wikipedia – det frie oppslagsverket
Gå til: navigering, søk
GND (Screenshot)

Gemeinsame Normdatei (GND) er eit autoritetspostregister som blir drifta og vedlikehalde av Deutsche Nationalbibliothek (DNB) med alle dei tyske biblioteksforeiningane, Österreichischer Bibliothekenverbund (obv) og Schweizerische Nationalbibliothek i samarbeid.

GND erstattar frå 19. april 2012 dei tidlegare Personennamendatei (PND), Schlagwortnormdatei (SWD), Gemeinsame Körperschaftsdatei (GKD) og Deutsches Musikarchiv (DMA-EST-Datei) og omfattar såleis personar, bedrifter, arrangement, geografiske data og omgrep.

Gjennom prosjektet Virtual International Authority File (VIAF) er GND knytt saman med andre nasjonale autoritetspostar via konkordansfiler.

Grunnlag[endre | endre wikiteksten]

Målet med GND er å knyte saman dei mangfaldige ressursane og informasjonskjeldene som bibliotek og andre kulturinstitusjonar i det tyskspråklege området tilbyr. Datasett som er overførde uendra frå dei tidlegare autoritetsregistra til GND har dei same nøkkelverdiane som før, no i identifikatoren GND-Nummer.[1] Dublettar blir samanførde og datasetta suksessivt førebudde for semantisk web.

GND nyttar regelverket RDA og er basert på utvekslingsformatet MARC 21-authority.

Innhald og omfang[endre | endre wikiteksten]

På det tidspunktet Gemeinsame Normdatei blei innførd inneheldt registeret 9 493 860 datasett av følgjande entitetstypar:[2]

  • 4 456 000 personnamn («ikkje individualisert», dvs utan typebeteikning)
  • 2 650 000 personar («individualisert», type p)
  • 1 145 000 bedriftar, juridiske personar og liknande (type k) – Körperschaften
  • 571 000 arrangement og kongressar (type v) – Veranstaltungen
  • 286 000 geografiske data (type g)
  • 200 000 fagtermer (type s) – Sachbegriffe
  • 187 000 verk (type w) – sjå til dømes for verket Gemeinsame Normdaten i «Autoritetspost» nederst i denne artikkelen.

Kjelder[endre | endre wikiteksten]

Litteratur[endre | endre wikiteksten]

  • Eva-Maria Gulder: Die Gemeinsame Normdatei (GND). Bayerische Staatsbibliothek München (Normdatenredaktion), september 2011. (pdf-fil)

Referansar[endre | endre wikiteksten]

  1. Christel Hengel-Dittrich: Das Projekt Gemeinsame Normdatei – GND. I Dialog mit Bibliotheken. Årgang. 22, hefte 1, s. 36, henta 10. mai 2012.
  2. Rundskrivet Bereitstellung des ersten GND-Grundbestandes, 19. april 2012. (typen er kodifisert i underfeltet $b i det GND-spesifikke feltet 079.)

Bakgrunnsstoff[endre | endre wikiteksten]