Haakon Garaasen

Frå Wikipedia – det frie oppslagsverket
Hopp til navigering Hopp til søk
Haakon Garaasen
Haakon Garaasen.jpg
Fødd 6. juli 1887
Trysil
Død

7. juni 1957 (69 år)

Yrke skribent

Haakon Garaasen (fødd 6. juli 1887 i Galåsen, daud 7. juni 1957 i Trysil) var ein norsk journalist, lokalhistorikar og forfattar. I romanar og dokumentarbøker skildra han heimbygda og historia hennar.[1]

Haakon Garaasen var yngst av ti søsken på garden Jons i Galåsen. Han gjekk på Voss Folkehøgskule 1905-06, samstundes med Tore Ørjasæter, og var også knytt til Voss Folkehøgskule vinteren 1910-11. Ved sida av forfatterskapen livnærte han seg av jordbruk og journalistikk.[2] I ungdommen dreiv han med idrett og han var aktiv i ungdomslaget Trysalir.

I 1908 debuterte Haakon Garaasen med novellesamlinga Frå skogbygda. I alt skreiv han sju bøker. Debutboka blir karakterisert ved ein knapp, kvass stil.[2] Romanen Rogfinne (1912) skildrar motsetninga mellom skogfinnar og nordmenn på 1800-tallet, mens Tungsjøætta (1916) handlar om destruktiv ættestolthet. I trebindsverket med lokalhistorie (1923-25) utvikla han «en spennende blandingssjanger»[3] av sakprosa, sagn og fortelling.

Sjukdom kan ha vore noko av forklaringa på at Garaasen ikkje heldt fram med som forfattar utover i 1930-åra.[2] Han skreiv imidlertid for aviser og blad både i Norge og Sverige. Under andre verdenskrigen var han medlem av Nasjonal Samling.[2] Fotosamlinga hans er teken vare på i Trysil folkebibliotek.

Forfattarskap[endre | endre wikiteksten]

  • 1908: Frå skogbygda, noveller
  • 1912: Rogfinne, roman
  • 1916: Tungsjøætta, roman. Omsett til svensk
  • 1923-25: Frå grensebygder og Finnskogar, lokalhistorie
    • 1923: Trysilmalm og andre malmar
    • 1924: Magre vilkår
    • 1925: Emigrantane frå Suomi Kallevalas land
  • 1929: I daleskog, dikt og sagn. Sammen med Paul Lundh

Referansar[endre | endre wikiteksten]

  1. «Haakon_Garaasen» i Store norske leksikon, snl.no.
  2. 2,0 2,1 2,2 2,3 Olav A. Loen. Bygda gav diktarsyn. Rune forlag, 1970 (ebok)
  3. Geir Vestad. «Markens grøde på Finnskogen» i Hamar Arbeiderblad, 29. april 2009

Litteratur[endre | endre wikiteksten]

  • Håkan Axelsson. «Haakon Garaasen, ett liv speglat i ett arkiv. » i Årbok for Trysil, 1987