Hordaland kunstsenter
| Hordaland kunstsenter | |
 | |
| Adresse | Klosteret 17 |
|---|---|
 Hordaland kunstsenter | |
Hordaland kunstsenter på Klosteret i Bergen er ein formidlingsinstitusjon for samtidskunst som vert styrt av kunstnarane i fylket. Institusjonen vart skipa i 1976, og var det fyrste av kunstsentera i Noreg. Frå 1987 har kunstsenteret hatt eit atelier for gjestar, som frå 2008 òg kan nyttast av internasjonale kunstnarar, kuratorar, skribentar og andre innanfor kunstfeltet.
Hordaland kunstsenter er kontaktinstitusjon i Hordaland for det statlege organet Kunst i offentlige rom (KORO). Kunstsenteret mottek stønad til drifta frå Hordaland fylkeskommune, og er medlem av Landsforeningen Kunstsentrene i Norge.